ಅನುಮತಿ ಪಡೆದೇ ಕಪ್ಪು ಹಣದ ಮಾಹಿತಿ ಹಂಚಿಕೆ

ಹೊಸದಿಲ್ಲಿ: ಸ್ವಿಸ್‌ಬ್ಯಾಂಕ್‌ ಸೇರಿದಂತೆ ವಿದೇಶಿ ಮೂಲದಿಂದ ಪಡೆದ ಕಪ್ಪುಹಣ ಕುರಿತಾದ ಮಾಹಿತಿಯು ಗೌಪ್ಯವಾಗಿದ್ದು, ಸಂಬಂಧಿಸಿದ ದೇಶಗಳಿಂದ ಅನುಮತಿ ಪಡೆದ ಅನಂತರವೇ ಇತರ ತನಿಖಾ ಸಂಸ್ಥೆಗಳೊಂದಿಗೆ ಹಂಚಿಕೊಳ್ಳ ಬಹುದಾಗಿದೆ ಎಂದು ಕೇಂದ್ರೀಯ ನೇರ ತೆರಿಗೆ ಮಂಡಳಿ ನಿರ್ದೇಶಿಸಿದೆ. ಇಂತಹ ಮಾಹಿತಿಯು ಗಂಭೀರ ವಿಷಯ ವಾಗಿದ್ದು, ಅನಧಿಕೃತವಾಗಿ ಬಹಿರಂಗಗೊಳ್ಳದಂತೆ ತೆರಿಗೆದಾರರಿಗೆ ರಕ್ಷಣೆ ಒದಗಿಸಬೇಕು ಎಂದೂ ಸೂಚಿಸಲಾಗಿದೆ.

ಇತರ ದೇಶಗಳೊಂದಿಗೆ ಮಾಡಿಕೊಳ್ಳಲಾದ ಒಪ್ಪಂದದ ಕುರಿತಂತೆ ಗೌಪ್ಯತೆ ನಿಬಂಧನೆಗಳ ಬಗ್ಗೆ ಸಿಬಿಡಿಟಿ ಇತ್ತೀಚೆಗೆ ಸೂಚನೆಗಳನ್ನು ಪ್ರಕಟಿಸಿದೆ. ವಿದೇಶಗಳೊಂದಿಗೆ ಮಾಡಿಕೊಂಡ ತೆರಿಗೆ ಒಪ್ಪಂದಗಳ ಅಡಿಯಲ್ಲಿ ಪಡೆದ ಮಾಹಿತಿಯನ್ನು ಜಾರಿ ನಿರ್ದೇಶನಾಲಯ ಮತ್ತು ಸಿಬಿಐ ಜೊತೆಗೆ ಹಂಚಿಕೊಳ್ಳಲಾಗದು. ಹೀಗಾಗಿ ಮೊದಲು ತನಿಖಾ ಸಂಸ್ಥೆಗಳು ಸಿಬಿಡಿಟಿ ಅನುಮತಿ ಯನ್ನು ಪಡೆಯಬೇಕು.

ಅನಂತರ ಸಿಬಿಡಿಟಿ ತನ್ನ ವಿದೇಶಿ ತೆರಿಗೆ ಮತ್ತು ತೆರಿಗೆ ಸಂಶೋಧನೆ ವಿಭಾಗದ ಮೂಲಕ ಅನುಮತಿ ಯನ್ನು ಕೇಳಲಾಗುತ್ತದೆ ಎಂದು ಸಿಬಿಡಿಟಿ ಮಾಹಿತಿ ನೀಡಿದೆ.