ಹಿಂದೂ ಯುವಕರೇ ಎದ್ದೇಳಿ…ಮೊಬೈಲ್ ಬಿಡಿ, ತಲ್ವಾರ್ ಹಿಡೀರಿ! ಸರಸ್ವತಿ

ಉಡುಪಿ: ಮನೆಗೆ ಆಕಸ್ಮಿಕವಾಗಿ ನಾಯಿ, ಬೆಕ್ಕು, ಕಳ್ಳ ನುಗ್ಗಿದರೆ ಓಡಿಸಲು ನಮ್ಮ ಬಳಿ ಒಂದು ಕೋಲು ಕೂಡಾ ಇಲ್ಲ. ಮೊದಲು ನಾವು ನಮ್ಮ ರಕ್ಷಣೆಯನ್ನು ಮಾಡಿಕೊಳ್ಳಬೇಕಾಗಿದೆ. ಮೊದಲು ನಮ್ಮ ದೇಶ ಸಶಕ್ತವಾಗಬೇಕಾಗಿದೆ. ಇದಕ್ಕಾಗಿ ಯುವಕರು ಮೊಬೈಲ್ ಬಿಡಿ, ಕೈಯಲ್ಲಿ ತಲ್ವಾರ್ ಹಿಡಿಯಿರಿ ಎಂದು ಸ್ವಾಮಿ ನರೇಂದ್ರಾನಂದ ಸರಸ್ವತಿ ಕರೆ ನೀಡಿದ್ದಾರೆ.

ಉಡುಪಿಯ ರೋಯಲ್ ಗಾರ್ಡನ್ ನಲ್ಲಿ ನಡೆಯುತ್ತಿರುವ ಧರ್ಮ ಸಂಸದ್ ನಲ್ಲಿ ಭಾಗವಹಿಸಿದ್ದ ನರೇಂದ್ರಾನಂದ ಸರಸ್ವತಿ ಶನಿವಾರ ಸುದ್ದಿಗಾರರ ಜತೆ ಮಾತನಾಡುತ್ತ ಈ ಹೇಳಿಕೆ ನೀಡಿದ್ದಾರೆ.

ಲಕ್ಷಾಂತರ ರೂಪಾಯಿ ಮೊಬೈಲ್ ಇಟ್ಟುಕೊಳ್ಳಬಹುದು ಆದರೆ ರಕ್ಷಣೆಗಾಗಿ ಆಯುಧ ಇಟ್ಟುಕೊಳ್ಳಬಾರದಾ ಎಂದು ಪ್ರಶ್ನಿಸಿದ ಅವರು, ಮನೆಯಲ್ಲಿ ಕೋಲ(ಶಸ್ತ್ರಾಸ್ತ್ರ)ನ್ನು ಇಟ್ಟುಕೊಳ್ಳಿ..ನಾಯಿ, ಬೆಕ್ಕುಗಳನ್ನು ಹೊಡೆದುರುಳಿಸಿ ಎಂದು ಪ್ರಚೋದನಾತ್ಮಕ ಪ್ರತಿಕ್ರಿಯೆ ನೀಡಿರುವುದಾಗಿ ಮಾಧ್ಯಮದ ವರದಿ ತಿಳಿಸಿದೆ.