Shanghai Masters 2024: ಬೋಪಣ್ಣ ಜೋಡಿಗೆ ಜಯ

ಶಾಂಘೈ: ಮರಳಿ ಒಂದುಗೂಡಿ ಆಡಲಾರಂಭಿಸಿದ ರೋಹನ್‌ ಬೋಪಣ್ಣ ಹಾಗೂ ಕ್ರೊವೇಷ್ಯಾದ ಇವಾನ್‌ ಡೋಡಿಗ್‌ ಗೆಲುವಿನ ಆರಂಭ ಪಡೆದಿದ್ದಾರೆ.

ಶಾಂಘೈ ಮಾಸ್ಟರ್ ಟೆನಿಸ್‌ ಪಂದ್ಯಾವಳಿಯಲ್ಲಿ ದ್ವಿತೀಯ ಸುತ್ತಿಗೆ ಏರಿದ್ದಾರೆ. ಶುಕ್ರವಾರದ ಮುಖಾಮುಖೀಯಲ್ಲಿ ಬೋಪಣ್ಣ-ಡೋಡಿಗ್‌ ಸೇರಿಕೊಂಡು ಪಾಬ್ಲೊ ಕರೆನೊ ಬುಸ್ಟ-ಪೆಡ್ರೊ ಮಾರ್ಟಿನೆಜ್‌ ವಿರುದ್ಧ 6-4, 6-3 ನೇರ ಸೆಟ್‌ಗಳ ಗೆಲುವು ಸಾಧಿಸಿದರು. ಆದರೆ ಈ ಪಂದ್ಯಾವಳಿಯಲ್ಲಿ ಭಾರತದ ಸಿಂಗಲ್ಸ್‌ ಸವಾಲು ಅಂತ್ಯಗೊಂಡಿದೆ.

ಸುಮಿತ್‌ ನಾಗಲ್‌ ಮತ್ತು ರಾಮ್‌ಕುಮಾರ್‌ ರಾಮನಾಥನ್‌ ಮೊದಲ ಸುತ್ತಿನಲ್ಲೇ ಸೋಲುಂಡು ನಿರ್ಗಮಿಸಿದ್ದಾರೆ. ಇವರಲ್ಲಿ ಸುಮಿತ್‌ ನೇರ ಪ್ರವೇಶ ಪಡೆದಿದ್ದರೆ, ರಾಮ್‌ಕುಮಾರ್‌ ಅರ್ಹತಾಸುತ್ತಿನ ಮೂಲಕ ಬಂದಿದ್ದರು.