ರಾಮಾಯಣದ ಬೆನ್ನಲ್ಲೇ ಶಕ್ತಿಮಾನ್‌ ರಿಟರ್ನ್

21 ದಿನಗಳ ಲಾಕ್‌ಡೌನ್‌ನಲ್ಲಿ ದೂರದರ್ಶನ, ತನ್ನ ಒಂದೊಂದೇ ಕ್ಲಾಸಿಕ್‌ಗಳನ್ನು ಮರುಪ್ರಸಾರ ಮಾಡುತ್ತಿದೆ. ಈಗ ಆ ಪಟ್ಟಿಗೆ ಹೊಸ ಸೇರ್ಪಡೆ, ಮಕ್ಕಳ ಧಾರಾವಾಹಿ ಶಕ್ತಿಮಾನ್‌. ಈ ಬಗ್ಗೆ ಸ್ವತಃ ಶಕ್ತಿಮಾನ್‌ ಖ್ಯಾತಿಯ ನಟ ಮುಖೇಶ್‌ ಖನ್ನಾ ಟ್ವೀಟ್‌ ಮಾಡಿದ್ದಾರೆ.

ರಾಮಾಯಣ, ಮಹಾಭಾರತವನ್ನು ಜನ ಮತ್ತೆ ನೋಡಿ ಆನಂದಿಸುತ್ತಿದ್ದಾರೆ. ಆದರೆ ಲಾಕ್‌ಡೌನ್‌ನಲ್ಲಿರುವ ಜನತೆಗೆ ಇವಷ್ಟೇ ಸಿಹಿಸುದ್ದಿಗಳಲ್ಲ, ಶಕ್ತಿಮಾನ್‌ ಕೂಡ ಮರುತೆರೆಗೆ ಸಿದ್ಧಗೊಳ್ಳುತ್ತಿದೆ. ಶೀಘ್ರವೇ ಮೂಡಿ ಬರಲಿದೆ’ ಎಂದಿದ್ದಾರೆ.

90ರ ದಶಕದ ಈ ಧಾರಾವಾಹಿಯಲ್ಲಿ ಶಕ್ತಿಮಾನ್‌ ಮತ್ತು ಪಂಡಿತ್‌ ಗಂಗಾಧರ್‌ ವಿದ್ಯಾಧರ್‌ ಮಾಯಾಧರ್‌ ಓಂಕಾರನಾಥ ಶಾಸ್ತ್ರಿ ಎಂಬ ದ್ವಿಪಾತ್ರಗಳಲ್ಲಿ ಮುಖೇಶ್‌ ನಟಿಸಿದ್ದರು.