ನೂತನ ಆರ್‌ಬಿಐ ಗವರ್ನರ್‌ ಆಗಿ ಶಕ್ತಿಕಾಂತ ದಾಸ್‌ ನೇಮಕ

ಹೊಸದಿಲ್ಲಿ : ಊರ್ಜಿತ್‌ ಪಟೇಲ್‌ ಅವರ ರಾಜೀನಾಮೆಯಿಂದ ತೆರವಾದ ಸ್ಥಾನಕ್ಕೆ  ಕೇಂದ್ರ ಸರಕಾರ ಇಂದು ಮಂಗಳವಾರ ಶಕ್ತಿಕಾಂತ ದಾಸ್‌ ಅವರನ್ನು ಭಾರತೀಯ ರಿಸರ್ವ್‌ ಬ್ಯಾಂಕಿನ ನೂತನ ಗವರ್ನರ್‌ ಆಗಿ ನೇಮಿಸಿತು.

ಈ ಬಗ್ಗೆ ಸಚಿವ ಸಂಪುಟದ ನೇಮಕಾತಿ ಸಮಿತಿಯು ಇಂದು ಮಂಗಳವಾರ ಅಧಿಸೂಚನೆಯೊಂದನ್ನು ಹೊರಡಿಸಿತು.

ಶಕ್ತಿಕಾಂತ ದಾಸ್‌ ಅವರು ದಿಲ್ಲಿಯ ಸೈಂಟ್‌ ಸ್ಟೀಫ‌ನ್‌ ಕಾಲೇಜಿನ ಹಳೆ ವಿದ್ಯಾರ್ಥಿ; ಮಾಜಿ ಹಣಕಾಸು ಕಾರ್ಯದರ್ಶಿ ಮತ್ತು ಹಣಕಾಸು ಆಯೋಗದ ಹಾಲಿ ಸದಸ್ಯ. 

ಮಾಜಿ ಸರಕಾರಿ ಅಧಿಕಾರಿ ಶಕ್ತಿಕಾಂತ ದಾಸ್‌ ಅವರು 15ನೇ ಹಣಕಾಸು ಆಯೋಗದ ಸದಸ್ಯರಾಗಿದ್ದು  2018ರ ಜಿ20 ಶೃಂಗದಲ್ಲಿ ಅವರನ್ನು ಭಾರತದ ಶೇರ್ಪಾ ಎಂದು ನೇಮಿಸಲಾಗಿದೆ.