ಮರಳಿದ ಶಕಿಬ್‌ಗ ಬಾಂಗ್ಲಾ ನಾಯಕತ್ವ

ಢಾಕಾ: ಕಳೆದ ಏಶ್ಯ ಕಪ್‌ ವೇಳೆ ಗಾಯಾಳಾಗಿ ವಿಶ್ರಾಂತಿಯಲ್ಲಿದ್ದ ಆಲ್‌ರೌಂಡರ್‌ ಶಕಿಬ್‌ ಅಲ್‌ ಹಸನ್‌ ಈಗ ಆಡಲು ಅಣಿಯಾಗಿದ್ದಾರೆ. ಪ್ರವಾಸಿ ವೆಸ್ಟ್‌ ಇಂಡೀಸ್‌ ವಿರುದ್ಧ ನಡೆಯಲಿರುವ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಅವರು ಬಾಂಗ್ಲಾದೇಶ ತಂಡವನ್ನು ಮುನ್ನಡೆಸಲಿದ್ದಾರೆ.

ನ. 22ರಿಂದ ಚಿತ್ತಗಾಂಗ್‌ನಲ್ಲಿ ನಡೆಯಲಿರುವ ಈ ಟೆಸ್ಟ್‌ ಪಂದ್ಯಕ್ಕಾಗಿ 13 ಸದಸ್ಯರ ತಂಡವನ್ನು ಪ್ರಕಟಿಸಲಾಗಿದ್ದು, ಬ್ಯಾಟ್ಸ್‌ಮನ್‌ ಸೌಮ್ಯ ಸರ್ಕಾರ್‌ ಮತ್ತು 18ರ ಹರೆಯದ ಆಫ್ಬ್ರೇಕ್‌ ಬೌಲರ್‌ ನಯೀಮ್‌ ಹಸನ್‌ ಅವರನ್ನು ಸೇರಿಸಿಕೊಳ್ಳಲಾಗಿದೆ. ಲಿಟನ್‌ ದಾಸ್‌, ಶಫಿಯುಲ್‌ ಇಸ್ಲಾಮ್‌, ನಜ್ಮುಲ್‌ ಇಸ್ಲಾಮ್‌ ಅವರನ್ನು ಕೈಬಿಡಲಾಗಿದೆ.

ಬಾಂಗ್ಲಾದೇಶ ಟೆಸ್ಟ್‌ ತಂಡ: ಶಕಿಬ್‌ ಅಲ್‌ ಹಸನ್‌ (ನಾಯಕ), ಸೌಮ್ಯ ಸರ್ಕಾರ್‌, ಇಮ್ರುಲ್‌ ಕಯೆಸ್‌, ಮೊಹಮ್ಮದ್‌ ಮಿಥುನ್‌, ಮೊಮಿನುಲ್‌ ಹಕ್‌, ಮುಶ್ಫಿಕರ್‌ ರಹೀಂ, ಅರೀಫ‌ುಲ್‌ ಹಕ್‌, ಮಹಮದುಲ್ಲ, ಮೆಹಿದಿ ಹಸನ್‌ ಮಿರಾಜ್‌, ಮುಸ್ತಫಿಜುರ್‌ ರೆಹಮಾನ್‌, ತೈಜುಲ್‌ ಇಸ್ಲಾಮ್‌, ಸಯ್ಯದ್‌ ಖಲೀದ್‌ ಅಹ್ಮದ್‌, ನಯೀಮ್‌ ಹಸನ್‌.