ಗಂಭೀರ್‌ಗೆ ಶಾರುಖ್‌ ವಿಶೇಷ ಸಂದೇಶ

ಮುಂಬೈ: ಮಂಗಳವಾರ ಎಲ್ಲ ಮಾದರಿಯ ಕ್ರಿಕೆಟ್‌ಗೆ ವಿದಾಯ ಹೇಳಿದ ಗೌತಮ್‌ ಗಂಭೀರ್‌ಗೆ ಬಾಲಿವುಡ್‌ ಬಾದ್‌ ಶಾ ವಿಶೇಷ ಸಂದೇಶವೊಂದನ್ನು ನೀಡಿದ್ದಾರೆ. 

ಟ್ವೀಟ್‌ ಮಾಡಿರುವ ಅವರು, ನಿಮ್ಮ ಪ್ರೀತಿ, ನಾಯಕತ್ವಕ್ಕೆ ಧನ್ಯವಾದ ಓ ನನ್ನ ನಾಯಕ. ನೀವೊಬ್ಬ ವಿಶೇಷ ವ್ಯಕ್ತಿ, ನಿಮ್ಮನ್ನು ಅಲ್ಲಾ ಯಾವಾಗಲೂ ಸಂತೋಷವಾಗಿಟ್ಟಿರಲಿ. ನೀವು ಇನ್ನೊಂದು ಸ್ವಲ್ಪ ಜಾಸ್ತಿ ನಗಬೇಕು ಎಂದಿದ್ದಾರೆ. ಶಾರುಖ್‌ ಹೀಗೆನ್ನಲು ಕಾರಣವಿದೆ. ಅವರ ಮಾಲೀಕತ್ವದ ಕೋಲ್ಕತಾ ನೈಟ್‌ರೈಡರ್ಸ್‌ ಐಪಿಎಲ್‌ ತಂಡಕ್ಕೆ ಗೌತಮ್‌ ಗಂಭೀರ್‌ ದೀರ್ಘ‌ಕಾಲ ನಾಯಕರಾಗಿದ್ದರು. ಅದೇ ಅವಧಿಯಲ್ಲಿ ಕೋಲ್ಕತಾ ಯಶಸ್ಸಿನ ಉಚ್ಚ ಸ್ಥಿತಿಗೆ ತಲುಪಿ 2 ಬಾರಿ ಟ್ರೋಫಿ ಗೆದ್ದಿತ್ತು.