Advertisement
ಪಶ್ಚಿಮ ಬಂಗಾಳದ ನಾರ್ತ್ 24 ಪರಗಣ ಜಿಲ್ಲೆಯ 60 ವರ್ಷದ ವೃದ್ಧೆ ಶಿವಾನಿ ಚಕ್ರವರ್ತಿ ಕಿಂಗ್‌ ಖಾನ್‌ ಅವರ ಬಹುದೊಡ್ಡ ಅಭಿಮಾನಿ. ಅವರಿಗೆ ನಡೆಯಲು ಆಗದೇ ಇದ್ದರೂ, ನಿತ್ಯ ಶಾರುಖ್‌ ಅವರ ಧ್ಯಾನವನ್ನೇ ಮಾಡಿಕೊಂಡು, ಅವರನ್ನು ಒಮ್ಮೆಯಾದರೂ ಭೇಟಿ ಆಗಬೇಕೆಂದುಕೊಂಡಿದ್ದರು.
Related Articles
Advertisement
ಈ ಸಂಬಂಧ ಶಿವಾನಿ ಅವರ ಮಗಳು ಸೋಶಿಯಲ್‌ ಮೀಡಿಯಾದಲ್ಲಿ ಪೋಸ್ಟನ್ನು ಹಾಕಿಕೊಂಡಿದ್ದರು. ಇದೀಗ ಈ ಪೋಸ್ಟ್‌ ಗಳು ಶಾರುಖ್‌ ಅವರ ಗಮನಕ್ಕೆ ಬಂದಿದ್ದು, ಮಾರಣಾಂತಿಕ ಕ್ಯಾನ್ಸರ್ ನಿಂದ ಬಳಲುತ್ತಿರುವ ಶಿವಾನಿ ಚಕ್ರವರ್ತಿ ಶಾರುಖ್‌ ಖಾನ್‌ ಅವರು ವಿಡಿಯೋ ಕಾಲ್‌ ಮಾಡಿ ಮಾತನಾಡಿದ್ದಾರೆ.
ಈ ಬಗ್ಗೆ ಶಿವಾನಿ ಅವರ ಮಗಳು ʼಇಂಡಿಯಾ ಟುಡೇʼ ಜೊತೆ ಮಾತನಾಡಿದ್ದಾರೆ. “ನನ್ನ ತಾಯಿ ಜೊತೆಗೆ ವಿಡಿಯೋ ಕಾಲ್‌ ನಲ್ಲಿ ಸುಮಾರು 40 ನಿಮಿಷ ಶಾರುಖ್‌ ಖಾನ್‌ ಅವರು ಮಾತನಾಡಿದ್ದಾರೆ. ಅವರು ಅಮ್ಮನ ಕಾಯಿಲೆ ಬೇಗ ಗುಣವಾಗಲಿವೆಂದು ವಿಡಿಯೋ ಕಾಲ್‌ ನಲ್ಲೇ ದುಃಆ ( ಪ್ರಾರ್ಥನೆ) ಯನ್ನು ಮಾಡಿದ್ದಾರೆ. ನಮ್ಮ ಮನೆಗೆ ಹಾಗೂ ನನ್ನ ಮದುವೆಯ ಸಂದರ್ಭದಲ್ಲಿ ಅವರು ಬಂದು ನಮ್ಮ ಮನೆಯಲ್ಲಿ ಊಟ ಮಾಡುತ್ತಾರೆ ಎಂದಿದ್ದಾರೆ. ನನ್ನ ತಾಯಿ ಕ್ಯಾನ್ಸರ್ ನಿಂದ ಹೋರಾಡಲು ಆರ್ಥಿಕವಾಗಿ ಅವರಿಗೆ ಸಹಾಯ ಮಾಡುವುದಾಗಿ ಶಾರುಖ್‌ ಅವರು ಹೇಳಿದ್ದಾರೆ ಎಂದು ಶಿವಾನಿ ಅವರ ಮಗಳು ಹೇಳಿದ್ದಾರೆ.
ಸದ್ಯ ಶಾರುಖ್‌ ಖಾನ್‌ ರಾಜ್‌ ಕುಮಾರ್‌ ಹಿರಾನಿ ಅವರ ʼ ಡಂಕಿʼ ಸಿನಿಮಾದ ಶೂಟ್‌ ನಲ್ಲಿ ಬ್ಯುಸಿಯಾಗಿದ್ದಾರೆ.