“ಪಠಾಣ್‌’ಹಾಡಿಗೆ ನಟ ಶಾರೂಖ್‌ ಖಾನ್‌ ನೃತ್ಯ ವೈರಲ್‌

ಮುಂಬೈನ ನೀತಾ ಮುಖೇಶ್‌ ಅಂಬಾನಿ ಸಾಂಸ್ಕೃತಿಕ ಕೇಂದ್ರದಲ್ಲಿ ನಡೆದ ಮೆಗಾ ಸಮಾರಂಭದಲ್ಲಿ ನಟ ಶಾರೂಖ್‌ ಖಾನ್‌ ನೀಡಿದ ಪ್ರದರ್ಶನ ಎಲ್ಲೆಡೆ ವೈರಲ್‌ ಆಗಿದೆ.

ಇತ್ತೀಚೆಗೆ ಬಿಡುಗಡೆಯಾದ “ಪಠಾಣ್‌’ ಸಿನಿಮಾದ ಟೈಟಲ್‌ ಟ್ರ್ಯಾಕ್‌ಗೆ ಶಾರೂಖ್‌ ಹೆಜ್ಜೆ ಹಾಕಿದರು. ಅವರಿಗೆ ನಟರಾದ ರಣವೀರ್‌ ಸಿಂಗ್‌ ಮತ್ತು ವರುಣ್‌ ಧವನ್‌ ಜತೆಗೂಡಿದರು. ಅಸ್ಕರ್‌ ಪ್ರಶಸ್ತಿ ಪಡೆದ “ನಾಟು ನಾಟು’ ಹಾಡಿಗೆ ಶಾರೂಖ್‌ ಖಾನ್‌ ಕುಣಿದು ಕುಪ್ಪಳಿಸಿದರು.

ಸಮಾರಂಭದಲ್ಲಿ ಐಶ್ವರ್ಯ ರೈ ಬಚ್ಚನ್‌, ಪ್ರಿಯಾಂಕ ಚೋಪ್ರಾ, ಆಲಿಯಾ ಭಟ್‌, ರೇಖಾ, ಸೋನಮ್‌ ಕಪೂರ್‌ ಸೇರಿದಂತೆ ಬಾಲಿವುಡ್‌ ತಾರೆಯರು ಇದ್ದರು.