ವಿಶ್ವಕಪ್ ಸೋಲಿನೊಂದಿಗೆ ಟಿ20 ಅಗ್ರಸ್ಥಾನ ಬಿಟ್ಟುಕೊಟ್ಟ ಶಫಾಲಿ ವರ್ಮಾ

ದುಬೈ: ವನಿತಾ ಟಿ20 ವಿಶ್ವಕಪ್ ನ ಫೈನಲ್ ಪಂದ್ಯದ ಬಳಿಕ ಸೋಲಿನ ಬಳಿಕ ಭಾರತದ ಆರಂಭಿಕ ಆಟಗಾರ್ತಿ ಶಫಾಲಿ ವರ್ಮಾ ಐಸಿಸಿ ರಾಂಕಿಂಗ್ ನಲ್ಲಿ ಹಿನ್ನಡೆ ಅನುಭವಿಸಿದ್ದಾರೆ.

ಫೈನಲ್ ಪಂದ್ಯದಲ್ಲಿ ಸಿಡಿದ ಆಸೀಸ್ ನ ಬೆತ್ ಮೂನಿ ಐಸಿಸಿ ಟಿ20 ರಾಂಕಿಂಗ್ ನ ಅಗ್ರಸ್ಥಾನಿಯಾಗಿ ಮೂಡಿಬಂದಿದ್ದಾರೆ. ಕೂಟದಲ್ಲಿ ಮೂನಿ 64ರ ಸರಾಸರಿಯಲ್ಲಿ 259 ರನ್ ಗಳಸಿದ್ದರು. ವನಿತಾ ಟಿ20 ವಿಶ್ವಕಪ್ ಇತಿಹಾಸದಲ್ಲಿ ಅತೀ ಹೆಚ್ಚು ರನ್ ಗಳಿಸಿದ ಆಟಗಾರ್ತಿ ಎಂಬ ದಾಖಲೆ ಬರೆದ ಮೂನಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದಿದ್ದರು.

ಲೀಗ್ ಹಂತದ ಪ್ರದರ್ಶನದ ನಂತರ ಪ್ರಥಮ ಸ್ಥಾನಿಯಾಗಿದ್ದ ಶಫಾಲಿ, ಫೈನಲ್ ಪಂದ್ಯದಲ್ಲಿ ಗಳಿಸಿದ್ದು ಕೇವಲ ಎರಡು ರನ್. ಇದರಿಂದಾಗಿ ಶಫಾಲಿ ಅಗ್ರ ಸ್ಥಾನ ಕಳೆದುಕೊಂಡಿರುವುದು ಮಾತ್ರವಲ್ಲದೇ ಮೂರನೇ ಸ್ಥಾನಕ್ಕೆ ಜಾರಿದ್ದಾರೆ. ಎರಡನೇ ಸ್ಥಾನದಲ್ಲಿ ಕಿವೀಸ್ ನಾಯಕಿ ಸೂಜಿ ಬೇಟ್ಸ್ ಮುಂದುವರಿದಿದ್ಧಾರೆ.

ಆಸೀಸ್ ನ ಅಲಿಲಿಸಾ ಹೀಲಿ ಐದನೇ ಸ್ಥಾನಕ್ಕೇರಿದ್ದು, ಭಾರತದ ಸ್ಮೃತಿ ಮಂಧನಾ ಒಂದು ಸ್ಥಾನ ಜಾರಿ ಏಳನೇ ರಾಂಕ್ ಪಡೆದಿದ್ದಾರೆ.