ಸೆನ್ಸೆಕ್ಸ್‌ 487 ಅಂಕ ಕುಸಿತ

ಮುಂಬಯಿ: ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಸ್ಥಿತ್ಯಂತರದಿಂದಾಗಿ ಕಳೆದ ಐದು ದಿನಗಳಿಂದ ಕುಸಿಯುತ್ತಿದ್ದ ಮುಂಬಯಿ ಷೇರುಪೇಟೆ ಬುಧವಾರವೂ ಇಳಿಮುಖ ಕಂಡಿದೆ. ಬುಧವಾರ ಸೆನ್ಸೆಕ್ಸ್‌ ಶೇ.1.27 ರಷ್ಟು ಕುಸಿದು, 37,789 ಕ್ಕೆ ತಲುಪಿದೆ. ಎನ್‌ಎಸ್‌ಇ ನಿಫ್ಟಿ 138.45 ಅಂಕ ಕುಸಿದು, 11,359.45 ತಲುಪಿದೆ. 2 ಸಾವಿರ ಕೋಟಿ ಡಾಲರ್‌ ಮೌಲ್ಯದ ಚೀನ ಸಾಮಗ್ರಿಗಳ ಮೇಲೆ ತೆರಿಗೆ ಹೆಚ್ಚಿಸುವುದಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ ಬೆದರಿಕೆ ಒಡ್ಡಿದ ಹಿನ್ನೆಲೆಯಲ್ಲಿ ಮಾರುಕಟ್ಟೆಯಲ್ಲಿ ಅಲ್ಲೋಲ ಕಲ್ಲೋಲವಾಗಿದೆ.