ಲೈಂಗಿಕ ದೌರ್ಜನ್ಯ ಪ್ರಕರಣ: ಕೇರಳ ರಾಜಕಾರಣಿ ಪಿ.ಸಿ ಜಾರ್ಜ್‌ ಬಂಧನ

ತಿರುವನಂತಪುರಂ: 2013ರ ಸೋಲಾರ್‌ ಹಗರಣದ ಆರೋಪಿ ಮಹಿಳೆಗೆ ಲೈಂಗಿಕ ಕಿರುಕುಳ ನೀಡಿರುವ ಆರೋಪದಲ್ಲಿ ಕೇರಳದ ಹಿರಿಯ ರಾಜಕಾರಣಿ ಜನಪಕ್ಷಮ್‌ನ ನಾಯಕ ಪಿ.ಸಿ.ಜಾರ್ಜ್‌ ಅವರನ್ನು ಬಂಧಿಸಲಾಗಿದೆ.

ಕೇರಳ ಚಿನ್ನ ಕಳ್ಳಸಾಗಣೆ ಪ್ರಕರಣದಲ್ಲಿ ಆರೋಪಿತ ಮಹಿಳೆಯೊಂದಿಗೆ ಸೇರಿಕೊಂಡು, ಜಾರ್ಜ್‌ ಅವರು ಸಿಎಂ ಪಿಣರಾಯಿ ಹಾಗೂ ಅವರ ಸರ್ಕಾರದ ವಿರುದ್ಧ ದೂರು ಹೊರಿಸಲು ಸಂಚು ಹಾಕಿದ್ದರು ಎಂದು ಮಾಜಿ ಸಚಿವ ಕೆ.ಟಿ. ಜಲೀಲ್‌ ದೂರಿದ್ದಾರೆ.

ಆ ಪ್ರಕರಣದ ವಿಚಾರಣೆಗೆಂದು ಪೊಲೀಸರು ಜಾರ್ಜ್‌ ಅವರನ್ನು ಶನಿವಾರ ಸಮನ್ಸ್‌ ನೀಡಿ ಕಚೇರಿಗೆ ಕರೆಸಿಕೊಂಡಿದ್ದರು. ವಿಚಾರಣೆ ವೇಳೆ ಲೈಂಗಿಕ ಕಿರುಕುಳದ ದೂರಿನ ಬಗ್ಗೆ ತಿಳಿಸಿದ್ದು, ನಗರದ ಪೊಲೀಸರು ಅವರನ್ನು ಬಂಧಿಸಿದ್ದಾರೆ.