ಕಾಂಗ್ರೆಸ್‌ ಒಬಿಸಿ ನಾಯಕ, ಶಾಸಕ, ಬವಾಲಿಯಾ ಬಿಜೆಪಿಗೆ

ಅಹ್ಮದಾಬಾದ್‌ : ಹಿರಿಯ ಕಾಂಗ್ರೆಸ್‌ ಒಬಿಸಿ ನಾಯಕ ಮತ್ತು ನಾಲ್ಕು ಬಾರಿಯ ಶಾಸಕ ಕುನವರ್ಜಿ ಬವಾಲಿಯಾ ಅವರಿಂದು ತಮ್ಮ ಪಕ್ಷಕ್ಕೆ ರಾಜೀನಾಮೆ ನೀಡಿ ಗುಜರಾತ್‌ನಲ್ಲಿನ ಆಳುವ ಬಿಜೆಪಿಯನ್ನು ಸೇರಿಕೊಂಡಿರುವುದಾಗಿ ಮೂಲಗಳು ತಿಳಿಸಿವೆ. 

ತಮ್ಮ ಜಸ್‌ದಾನ್‌ ಕ್ಷೇತ್ರದ ಶಾಸಕತ್ವಕ್ಕೆ ಮತ್ತು ಪಕ್ಷದ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಿದ ಬಳಿಕ ಬವಾಲಿಯಾ ಅವರು ಬಿಜೆಪಿ ಪ್ರಧಾನ ಕಾರ್ಯಾಲಯಕ್ಕೆ ತೆರಳಿದರು. 

ಬವಾಲಿಯಾ ಅವರು ತಮ್ಮ ಶಾಸಕತ್ವ ರಾಜೀನಾಮೆ ಪತ್ರವನ್ನು ಗುಜರಾತ್‌ ವಿಧಾನಸಭಾ ಸ್ಪೀಕರ್‌ ರಾಜೇಂದ್ರ ತ್ರಿವೇದಿ ಅವರಿಗೆ ಸಲ್ಲಿಸಿದ್ದಾರೆ. 2019ರ ಲೋಕಸಭಾ ಚುನಾವಣೆಗೆ ಮುನ್ನ, ಕೋಳಿ ಸಮುದಾಯದ  ನಾಯಕರಾಗಿರುವ ಬವಾಲಿಯಾ ಅವರು ನೀಡಿರುವ ರಾಜೀನಾಮೆಯು ಕಾಂಗ್ರೆಸ್‌ ಪಕ್ಷಕ್ಕೆ ಬಹುದೊಡ್ಡ ಹೊಡೆತವೆಂದು ತಿಳಿಯಲಾಗಿದೆ.