Election 10 ಲಕ್ಷ ಲೀ. ಮದ್ಯ,200 ಕೋಟಿ ರೂ. ದಾಟಿದ ಜಪ್ತಿ; ವ್ಯಾಪಕ ಕಟ್ಟೆಚ್ಚರ

ಬೆಂಗಳೂರು : ಮಾರ್ಚ್ 29 ರಂದು ಮಾದರಿ ನೀತಿ ಸಂಹಿತೆ (ಎಂಸಿಸಿ) ಜಾರಿಗೆ ಬಂದ ನಂತರ ಜಾರಿ ಸಂಸ್ಥೆಗಳು 10 ಲಕ್ಷ ಲೀಟರ್‌ಗೂ ಹೆಚ್ಚು ಮದ್ಯ ಸೇರಿ 200 ಕೋಟಿ ರೂಪಾಯಿ ಹಣವನ್ನು ವಶಪಡಿಸಿಕೊಂಡಿವೆ ಎಂದು ಚುನಾವಣಾ ಆಯೋಗ ಬುಧವಾರ ತಿಳಿಸಿದೆ.

ವಶಪಡಿಸಿಕೊಂಡ 77 ಕೋಟಿರೂ.ನಗದು, ಮದ್ಯ ರೂ. 43 ಕೋಟಿ ರೂ ಮೌಲ್ಯದ್ದು,50 ಕೋಟಿ ರೂ.ಮೌಲ್ಯದ , ಚಿನ್ನ ಮತ್ತು ಬೆಳ್ಳಿ, 20 ಕೋಟಿ ರೂ. ಮೌಲ್ಯದ ಉಚಿತ ವಸ್ತುಗಳು. 15 ಕೋಟಿ ರೂ.ಗಳ ಡ್ರಗ್ಸ್/ಮಾದಕ ವಸ್ತುಗಳು ಸೇರಿ ಒಟ್ಟು 204 ಕೋಟಿ ರೂ. ಮೌಲ್ಯದ್ದಾಗಿದೆ ಎಂದು ಕರ್ನಾಟಕ ಮುಖ್ಯ ಚುನಾವಣಾಧಿಕಾರಿ ಹೇಳಿದ್ದಾರೆ.

ವಶಪಡಿಸಿಕೊಂಡದ್ದಕ್ಕೆ ಸಂಬಂಧಿಸಿದಂತೆ 1,629 ಎಫ್‌ಐಆರ್‌ಗಳನ್ನು ದಾಖಲಿಸಲಾಗಿದೆ. ಮೇ 10 ರ ವಿಧಾನಸಭಾ ಚುನಾವಣೆಯ ಘೋಷಣೆಯ ಮೊದಲು ಸುಮಾರು 58 ಕೋಟಿ ರೂ. (ಮಾರ್ಚ್ 9 ರಿಂದ ಮಾರ್ಚ್ 27 ) ವಶಪಡಿಸಿಕೊಂಡಿರುವುದನ್ನು ಗಮನಿಸಬಹುದು.