ಕಿಂಗ್ಸ್‌ ಇಲೆವನ್‌ನಿಂದ ಹೊರಬಂದ ಸೆಹವಾಗ್‌

ಹೊಸದಿಲ್ಲಿ: ಭಾರತದ ಮಾಜಿ ಆರಂಭಕಾರ ವಿರೇಂದ್ರ ಸೆಹವಾಗ್‌ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದ ಮೆಂಟರ್‌ ಸ್ಥಾನದಿಂದ ಕೆಳಗಿಳಿದು ತಂಡದೊಂದಿನ ಸಂಬಂಧಕ್ಕೆ ಅಂತ್ಯ ಹೇಳಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರವನ್ನು ಸ್ವತಃ ಸೆಹವಾಗ್‌ ಬಹಿರಂಗಪಡಿಸಿದ್ದಾರೆ.

“ಎಲ್ಲ ಉತ್ತಮ ವಿಚಾರಗಳು ಕೊನೆಯ ಹಂತಕ್ಕೆ ಬರಲೇಬೇಕು. ಕಿಂಗ್ಸ್‌ ಇಲೆವೆನ್‌ ತಂಡದೊಂದಿಗೆ 2 ಆವೃತ್ತಿಗಳಲ್ಲಿ ಆಟಗಾರನಾಗಿ, 3 ವರ್ಷ ಮಾರ್ಗದರ್ಶಕನಾಗಿ ಇದ್ದಿದ್ದು ಒಂದು ಉತ್ತಮ ಅನುಭವ. ಕಿಂಗ್ಸ್‌ ಇಲೆವೆನ್‌ ತಂಡಕ್ಕೆ ನನ್ನ ಸಹಕಾರವನ್ನು ಕೊನೆಗೊಳಿಸಿದ್ದೇನೆ. ಇಲ್ಲಿಯವರೆಗೆ ನನಗೆ ಸಹಕರಿಸಿದ ಎಲ್ಲರಿಗೂ ಧನ್ಯವಾದಗಳು. ತಂಡಕ್ಕೆ ಉತ್ತಮ ಭವಿಷ್ಯ ಒದಗಿ ಬರಲಿ…’ ಎಂದು ಸೆಹವಾಗ್‌ ಟ್ವಿಟರ್‌ನಲ್ಲಿ ಬರೆದಿದ್ದಾರೆ.