ಡಕ್‌ವರ್ಥ್ ನಿಯಮವನ್ನೇ ಅಣಕವಾಡಿದ ಸೆಹವಾಗ್‌

ನವದೆಹಲಿ: ಪ್ರಸಕ್ತ ವಿಶ್ವಕಪ್‌ ಕೂಟಕ್ಕೆ ಮಳೆಯದ್ದೇ ಕಾಟವಾಗಿ ಪರಿಣಮಿಸಿದೆ. ನ್ಯೂಜಿಲೆಂಡ್‌ -ಭಾರತ ನಡುವಿನ ಮೊದಲ ಸೆಮಿ ಫೈನಲ್‌ಗೆ ಕೂಡ ಮಳೆ ಅಡಚಣೆ ಉಂಟು ಮಾಡಿತ್ತು.

ಮಂಗಳವಾರ ಪಂದ್ಯ ಮುಂದುವರಿಯುವ ಅಥವಾ ಡಕ್‌ ವರ್ಥ್ ನಿಯಮ ಅಳವಡಿಸುವ ಬಗ್ಗೆ ಚರ್ಚೆ ನಡೆದಿತ್ತು. ಈ ವೇಳೆ ಖ್ಯಾತ ಕ್ರಿಕೆಟಿಗ ವಿರೇಂದ್ರ ಸೆಹವಾಗ್‌ ಟ್ವೀಟರ್‌ನಲ್ಲಿ ಡಕ್‌ ವರ್ಥ್ ನಿಯಮವನ್ನು ವ್ಯಂಗ್ಯವಾಡಿದ್ದಾರೆ.

“ಮಳೆಗಾಲದ ವೇಳೆ ವೇತನವನ್ನು ಡಕ್‌ವರ್ಥ್ ನಿಯಮ ಪ್ರಕಾರ ಅಳವಡಿಸುವುದಾದರೆ ಕಚೇರಿಗೆ ಬರುವ ನೌಕರರಿಗೆ ಲಾಭವಾಗಲಿದೆ. ಆವಾಗ ಮಾನವ ಸಂಪನ್ಮೂಲ ಅಧಿಕಾರಿಗಳು (ಎಚ್‌ಆರ್‌) ಏನು ಯೋಚನೆ ಮಾಡುತ್ತಾರೆ?’ ಎಂದು ಪ್ರಕಟಿಸಿದ್ದರು. ಇದಕ್ಕೆ ಭಾರೀ ಸಂಖ್ಯೆಯಲ್ಲಿ ಪ್ರತಿಕ್ರಿಯೆ ಬಂದಿದೆ.

ಸಾಮಾನ್ಯವಾಗಿ ಡಕ್‌ವರ್ಥ್ ನಿಯಮ ಅಳವಡಿಸಿದಾಗ ಪರಿಷ್ಕೃತ ಗುರಿ ಹೆಚ್ಚಾಗುತ್ತದೆ. ಓವರ್‌ ಕಡಿತಗೊಳ್ಳುತ್ತದೆ. ಇದರಿಂದ ಚೇಸಿಂಗ್‌ ಮಾಡುವ ತಂಡಕ್ಕೆ ಕಷ್ಟವಾಗುತ್ತದೆ.