ಕೋಕಾಕೋಲಾ ಸಂಸ್ಥೆಗೆ ಸೀಮಾ ನಾಯರ್‌ ನೇಮಕ 

ಬೆಂಗಳೂರು: ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಗ್ರಾಹಕ ಬಳಕೆ ಉತ್ಪನ್ನ ಸಂಸ್ಥೆಗಳ ಪೈಕಿ ಪ್ರಮುಖವೆನಿಸಿರುವ ಹಿಂದುಸ್ತಾನ್‌ ಕೋಕಾ ಕೋಲಾ ಬೆವರೇಜಸ್‌ ಸಂಸ್ಥೆಯ ಮಾನವ ಸಂಪನ್ಮೂಲ ವಿಭಾಗದ ಕಾರ್ಯಕಾರಿ ನಿರ್ದೇಶಕರಾಗಿ ಸೀಮಾ ನಾಯರ್‌ ನೇಮಕಗೊಂಡಿದ್ದಾರೆ.

ಇತ್ತೀಚೆಗಷ್ಟೇ ಕೋಕಾಕೋಲಾ ಬೆವರೇಜಸ್‌ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ನಿಯೋಜನೆಗೊಂಡ ಗೌರವ್‌ ಚತುರ್ವೇದಿ ಅವರ ಸ್ಥಾನಕ್ಕೆ ಸೀಮಾ ನಾಯರ್‌ ಆಯ್ಕೆಯಾಗಿದ್ದಾರೆ.

ಮಾನವ ಸಂಪನ್ಮೂಲ ಕ್ಷೇತ್ರದಲ್ಲಿ 20 ವರ್ಷಕ್ಕಿಂತಲೂ ಹೆಚ್ಚು ಕಾಲ ಕಾರ್ಯ ನಿರ್ವಹಿಸಿದ ಅನುಭವವಿರುವ ಸೀಮಾ ನಾಯರ್‌ ಅವರು ಸಿಸ್ಕೋ ಸಿಸ್ಟಮ್ಸ್‌ನಿಂದ ಹಿಂದೂಸ್ತಾನ್‌ ಕೋಕಾ ಕೋಲಾ ಸಂಸ್ಥೆ ಸೇರಿದ್ದಾರೆ. ಸಂಸ್ಥೆಯಲ್ಲಿ ಭಾರತ ಸೇರಿದಂತೆ ಶ್ರೀಲಂಕಾ, ನೇಪಾಳ, ಬಾಂಗ್ಲಾದೇಶಗಳ ಮಾನವ ಸಂಪನ್ಮೂಲ ವಿಭಾಗದ ನೇತೃತ್ವವನ್ನು ಸೀಮಾ ನಾಯರ್‌ ವಹಿಸಲಿದ್ದಾರೆ.