ನವದೆಹಲಿ: ಸ್ಯಾಂಡಲ್ ವುಡ್ ನ ಬಹುನಿರೀಕ್ಷಿತ ಸಿನಿಮಾ ಕೆ.ಜಿ.ಎ‍ಫ್ 2 ನ ಟೀಸರ್ ಬಿಡುಗಡೆಗೊಂಡಿದ್ದು ಹಲವು ದಾಖಲೆಗಳೊಂದಿಗೆ ವಿಶ್ವ ದಾಖಲೆಯ ಕಿರೀಟವನ್ನು ಮುಡಿಗೇರಿಸಿಕೊಂಡಿದೆ. ಈ ಟೀಸರ್ ಬಿಡುಗಡೆ ನಂತರ ಹಲವು ಭಾಷೆಯ ತಾರೆಯರು ಟೀಸರ್ ಅನ್ನು ಹೊಗಳಿ ಕೊಂಡಾಡಿದ್ದು, ಈ ಸಾಲಿನಲ್ಲಿ ಬಾಲಿವುಡ್ ನ ಖ್ಯಾತ ನಟ ಹೃತಿಕ್ ರೋಷನ್ ಕೂಡಾ ಫಿದಾ ಆಗಿದ್ದಾರೆ.
ಕೆ.ಜಿ.ಎ‍ಫ್ 2 ನ ಟೀಸರ್ ವೀಕ್ಷಿಸಿದ ಬಳಿಕ ಟ್ಟೀಟ್ ಮಾಡಿರುವ ನಟ ಹೃತಿಕ್ ವಾಟ್ ಎ ಗ್ರೆಟರ್ ಟ್ರೈಲರ್ ಎಂಬುದಾಗಿ ಬರೆದುಕೊಂಡಿದ್ದು, ಸಿನಿಮಾತಂಡಕ್ಕೆ ತನ್ನ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ. ಮತ್ತು ರಾಕಿಂಗ್ ಸ್ಟಾರ್ ಯಶ್ ಅವರ ಜನ್ಮ ದಿನಾಚರಣೆಗೆ ತಮ್ಮ ಶುಭಾಶಯಗಳನ್ನು ತಿಳಿಸಿರುವ ಇವರು ಇಂತಹ ಅದ್ಭುತ ಸಿನಿಮಾದಲ್ಲಿ ನಾಯಕನಾಗಿರುವ ಯಶ್ ಅವರಿಗೆ ಅಭಿನಂದನೆಗಳು ಎಂದು ಹೊಗಳಿದ್ದಾರೆ.
ಇದನ್ನೂ ಓದಿ:ಬೀದರ್ : ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗೆ ಕೋವಿಡ್ ಸೋಂಕು ದೃಢ ; ಶಾಲೆಗೆ ರಜೆ
ಈ ನಡುವೆ ಬಿ ಟೌನ್ ನ ಖ್ಯಾತ ನಟರಾಗಿರುವ ಸಂಜಯ್ ದತ್ ಅವರು ನಟಿಸಿರುವ ಹಿನ್ನೆಲೆಯಲ್ಲಿ ಬಾಲಿವುಡ್ ಮಂದಿ ಈ ಟೀಸರ್ ಅನ್ನು ಹೆಚ್ಚು ಆಸಕ್ತಿಯಿಂದ ನೋಡುತ್ತಿದ್ದಾರಾ? ಅಥವಾ ಪ್ರಶಾಂತ್ ನೀಲ್ ಅವರ ಮೇಕಿಂಗ್ ಎಲ್ಲರನ್ನೂ ಸೆಳೆಯುತ್ತಿದೆಯಾ? ಎಂಬಿತ್ಯಾದಿ ಸುದ್ದಿಗಳ ನಡುವೆ ಮುಂದೆ ಚಿತ್ರತಂಡ ಕೆ.ಜಿ.ಎ‍ಫ್ 3 ಸಿನಿಮಾ ಮಾಡಿದರೆ ಅದರಲ್ಲಿ ಹೃತಿಕ್ ಅವರು ಕಾಣಿಸಿಕೊಳ್ಳಲಿದ್ದಾರಂತೆ ಎಂಬ ಗುಸು ಗುಸು ಸುದ್ದಿಗಳು ಸಾಮಾಜಿಕ ಜಾಳತಾಣಗಳಲ್ಲಿ ಹರಿದಾಡುತ್ತಿದೆ.
ಬಿಡುಗಡೆಗೆ ನಿಗದಿಯಾದ ಸಮಯಕ್ಕಿಂತ ಮೊದಲೇ ಸಿನಿಮಾದ ಟೀಸರ್ ಲೀಕ್ ಆದ ಹಿನ್ನಲೆಯಲ್ಲಿ ಗುರುವಾರ(ಜ.7) ರ ರಾತ್ರಿಯೇ ಟೀಸರ್ ಬಿಡುಗಡೆಗೊಂಡಿದ್ದು, ಬಿಡುಗಡೆಯಾದ ಕೇವಲ 10 ಗಂಟೆ 30 ನಿಮಿಷದಲ್ಲಿ ಎರಡು ಮಿಲಿಯನ್ ಯೂಟ್ಯೂಬ್ ಲೈಕ್ಸ್ ಪಡೆಯುವ ಮೂಲಕ ಅತೀ ವೇಗವಾಗಿ ಯೂಟ್ಯೂಬ್ ನಲ್ಲಿ ಎರಡು ಮಿಲಿಯನ್ ಲೈಕ್ ಪಡೆದ ಭಾರತದ ಮೊದಲ ಟೀಸರ್ ಎಂಬ ದಾಖಲೆಗೆ ಪ್ರಶಾಂತ್ ನೀಲ್ ನಿರ್ದೇಶನದ ಈ ಚಿತ್ರ ಪಾತ್ರವಾಗಿದ್ದು, ಬಿಡುಗಡೆಯಾದ 24 ಗಂಟೆಗಳಲ್ಲಿ 7 ಕೋಟಿ ವ್ಯೂಸ್ ಗಳನ್ನು ಪಡೆದುಕೊಂಡಿದೆ.
.
