ಫಿಫಾ ವಿಶ್ವಕಪ್‌: ಮೊರೊಕ್ಕೊ ಆಕ್ರಮಣಕ್ಕೆ ಬೆಚ್ಚಿದ ಬೆಲ್ಜಿಯಂ

ಅಲ್‌ ಥುಮಾಮ: ಬಲಿಷ್ಠ ತಂಡಗಳಲ್ಲಿ ಒಂದಾದ ಬೆಲ್ಜಿಯಂ ಮೇಲೆ ಸವಾರಿ ಮಾಡಿದ ಮೊರಾಕ್ಕೊ ತಂಡ 2-0 ಗೋಲುಗಳ ಐತಿಹಾಸಿಕ ಗೆಲುವು ದಾಖಲಿಸಿದೆ.

ಇದು ಕಳೆದ 24 ವರ್ಷಗಳ ವಿಶ್ವಕಪ್‌ ಇತಿಹಾಸದಲ್ಲಿ ಮೊರಾಕ್ಕೊ ಸಾಧಿಸಿದ ಮೊದಲ ಜಯವಾಗಿದೆ. ಈ ಗೆಲುವಿನೊಂದಿಗೆ ಮೊರಾಕ್ಕೊ “ಎಫ್’ ವಿಭಾಗದ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಿಯಾಯಿತು.

ಬೆಲ್ಜಿಯಂ ದ್ವಿತೀಯ ಸ್ಥಾನಕ್ಕೆ ಕುಸಿಯಿತು. ಪಂದ್ಯದ ಮೊದಲು ಗೋಲು ದಾಖಲಾಗುವಾಗ 73 ನಿಮಿಷ ಆಗಿತ್ತು. ಅಬ್ಧೆಲ್‌ ಹಮೀದ್‌ ಸಾಬಿರಿ ಈ ಗೋಲು ಸಿಡಿಸಿದರು. ಬಳಿಕ 90+ 2ನೇ ನಿಮಿಷದಲ್ಲಿ ಜಕಾರಿಯ ಅಬೌಖ್‌ಲಾಲ್‌ ದ್ವಿತೀಯ ಗೋಲು ಹೊಡೆದರು.

ಫ‌ಲಿತಾಂಶ
ಮೊರೊಕ್ಕೊ: 02
ಬೆಲ್ಜಿಯಂ: 00