ಕರ್ನಾಟಕದಲ್ಲೂ ಕೈಗಾರಿಕೆ ಸಚಿವ ಜಗದೀಶ್‌ ಶೆಟ್ಟರ್‌, ಇನ್ಫೋಸಿಸ್‌ ಸಂಸ್ಥಾಪಕ ನಾರಾಯಣ ಮೂರ್ತಿ ಮತ್ತು ಸುಧಾಮೂರ್ತಿ ದಂಪತಿ, ಹಲವಾರು ಶಾಸಕರು, ರಾಜಕಾರಣಿಗಳು ಮೊದಲ ದಿನವೇ ಲಸಿಕೆ ಪಡೆದಿದ್ದಾರೆ.
Advertisement
2ನೇ ಹಂತ ಆರಂಭ2ನೇ ಹಂತದ ಲಸಿಕೆ ನೀಡಿಕೆ ಸೋಮವಾರ ಆರಂಭವಾಗಿದೆ. ಈ ಹಂತದಲ್ಲಿ 60 ವರ್ಷ ದಾಟಿದ ಹಿರಿಯರು ಮತ್ತು 45 ವರ್ಷ ಮೀರಿದ ರೋಗ ಪೀಡಿತರು ಲಸಿಕೆ ಪಡೆಯಲಿದ್ದಾರೆ.
ಸುಪ್ರೀಂ ಕೋರ್ಟ್‌ನ ನ್ಯಾಯಮೂರ್ತಿಗಳು ಮತ್ತು ಅವರ ಕುಟುಂಬ ಸದಸ್ಯರು ಮಂಗಳವಾರ ಲಸಿಕೆ ಪಡೆಯಲಿದ್ದಾರೆ. ಇದಕ್ಕಾಗಿ ಕೋರ್ಟ್‌ ಆವರಣದಲ್ಲೇ ವ್ಯವಸ್ಥೆ ಕಲ್ಪಿಸಲಾಗಿ. ಜಡ್ಜ್ ಗಳೂ ಲಭ್ಯವಿರುವ ಲಸಿಕೆಯನ್ನೇ ಪಡೆಯಬೇಕಾಗಿದೆ. ಇವರಿಗೂ ಆಯ್ಕೆಯ ಅವಕಾಶ ನೀಡಿಲ್ಲ ಎಂದು ಆರೋಗ್ಯ ಸಚಿವಾಲಯ ಸ್ಪಷ್ಟಪಡಿಸಿದೆ.
Related Articles
ತಮಗೆ ಲಸಿಕೆ ನೀಡುವ ನರ್ಸ್‌ಗಳ ಅಂಜಿಕೆ ದೂರ ಮಾಡಲು ಮೋದಿ ಹಾಸ್ಯ ಚಟಾಕಿ ಹಾರಿಸಿದರು. ಲಸಿಕೆ ಚುಚ್ಚಿದ ಬಳಿಕ, “ಲಸಿಕೆ ಕೊಟ್ಟು ಬಿಟ್ಟಿರಾ, ಗೊತ್ತಾಗಲೇ ಇಲ್ಲ’ ಎಂದರು. ಅನಂತರ, “ರಾಜಕಾರಣಿಗಳು ದಪ್ಪ ಚರ್ಮದವರು, ಹೀಗಾಗಿ ನೀವು ಪಶುಗಳಿಗೆ ಉಪಯೋಗಿಸುವ ದಪ್ಪನೆಯ ಸೂಜಿ ಬಳಸಲು ಉದ್ದೇಶಿಸಿದ್ದೀರಾ’ ಎಂದು ಪ್ರಶ್ನಿಸಿ ನರ್ಸ್‌ ಗ ಳ ಮುಖದಲ್ಲಿ ನಗು ಮೂಡಿಸಿದರು.
Advertisement
ರಾಜ್ಯದಲ್ಲೂ ಚಾಲನೆಕರ್ನಾಟಕದಲ್ಲೂ ಸೋಮವಾರ 2ನೇ ಹಂತದ ಲಸಿಕೆ ಕಾರ್ಯಕ್ರಮ ಆರಂಭವಾಯಿತು. 2,269 ಹಿರಿಯ ನಾಗರಿಕರು, 374 ಮಂದಿ ರೋಗಪೀಡಿತರು ಸೇರಿ ಒಟ್ಟು 2,643 ಮಂದಿ ಲಸಿಕೆ ಪಡೆದಿದ್ದಾರೆ. ಕೆಲವೆಡೆ ತಾಂತ್ರಿಕ ಸಮಸ್ಯೆಯಿಂದ ಒಂದೆರಡು ತಾಸು ತಡವಾಗಿ ಆರಂಭವಾಯಿತು. ಕೆಲವೆಡೆ ಕೋವಿನ್‌ ಪೋರ್ಟಲ್‌ ಸ್ಥಗಿತಗೊಂಡು ಅಭಿಯಾನ ಆರಂಭವಾಗಲಿಲ್ಲ. ಸ್ಥಳದಲ್ಲಿ ನೋಂದಣಿ ಇಲ್ಲದೆ ಲಸಿಕೆ ಪಡೆಯಲು ಬಂದಿದ್ದವರಿಗೆ ನಿರಾಸೆಯಾಯಿತು. ಹೀಗಾಗಿ ಹೆಚ್ಚಿನ ಸಂಖ್ಯೆಯಲ್ಲಿ ಸಾರ್ವಜನಿಕರು ಲಸಿಕೆ ಪಡೆಯಲು ಸಾಧ್ಯವಾಗಲಿಲ್ಲ. ಇದು ಬಿಟ್ಟರೆ ಆನ್‌ಲೈನ್‌ ನೋಂದಣಿಯಾದವರಿಗೆ ಬಹುತೇಕ ಆಸ್ಪತ್ರೆಗಳಲ್ಲಿ ಯಶಸ್ವಿಯಾಗಿ ಲಸಿಕೆ ನೀಡಲಾಯಿತು. ಲಸಿಕೆ ಪಡೆದವರಲ್ಲಿ ಅಡ್ಡಪರಿಣಾಮ ಪ್ರಕರಣಗಳು ವರದಿಯಾಗಿಲ್ಲ. ಕೊರೊನಾ ಲಸಿಕೆ ಪಡೆದಿರುವುದು ಮಾನಸಿಕವಾಗಿ ನೆಮ್ಮದಿ ತಂದಿದೆ. ಎರಡನೇ ಅಲೆಯ ಭಯ ಇತ್ತು. ಇದೇ ಸಂದರ್ಭದಲ್ಲಿ ಲಸಿಕೆ ಸಿಕ್ಕಿರುವುದು ಖುಷಿಯಾಗಿದೆ. ಯಾವುದೇ ಅಡ್ಡಪರಿಣಾಮಗಳು ಕಾಣಿಸಿಕೊಂಡಿಲ್ಲ.
– ರಾಜಲಕ್ಷ್ಮೀ (62), ಲಸಿಕೆ ಪಡೆದವರು ಪ್ರಧಾನಿಯೇ ಲಸಿಕೆ ಪಡೆದಿದ್ದಾರೆ. ವದಂತಿಗಳಿಗೆ ಆಸ್ಪದ ನೀಡದೆ ಲಸಿಕೆ ಹಾಕಿಸಿಕೊಳ್ಳಿ. ರಾಜ್ಯದಲ್ಲಿ 60 ವರ್ಷ ಮೇಲ್ಪಟ್ಟವರು 50 ಲಕ್ಷ, ಇತರ ರೋಗಗಳಿರುವ 45 ವರ್ಷ ದಾಟಿದವರು 16 ಲಕ್ಷ ಜನರಿದ್ದಾರೆ. ಇವರಿಗೆಲ್ಲ ಲಸಿಕೆ ನೀಡಲಾಗುವುದು. -ಡಾ| ಕೆ.ಸುಧಾಕರ್‌, ಆರೋಗ್ಯ ಸಚಿವ