PM ವಿರುದ್ಧ ‘ಚೇಳು­ ಹೇಳಿಕೆ’ ವಿವಾದ: ತರೂರ್‌ ಸುಪ್ರೀಂ ಮೊರೆ

ಹೊಸದಿಲ್ಲಿ: ಮಾನಹಾನಿ ಪ್ರಕರಣಕ್ಕೆ ಸಂಬಂಧಿಸಿ­ದಂತೆ ತಮ್ಮ ಅರ್ಜಿಯನ್ನು ತುರ್ತಾಗಿ ವಿಚಾರಣೆ ನಡೆಸಬೇಕು ಎಂದು ಶಶಿ ತರೂರ್‌ ಸುಪ್ರೀಂ ಕೋರ್ಟ್‌ಗೆ ಮನವಿ ಮಾಡಿದ್ದಾರೆ. ಪ್ರಕರಣ ಸಂಬಂಧ ದಿಲ್ಲಿ ಹೈಕೋರ್ಟ್‌ನಲ್ಲಿ ಇಂದು(ಮಂಗ­ಳವಾರ) ಶಶಿ ತರೂರ್‌ ವಿಚಾರಣೆಗೆ ಹಾಜರಾಗ­ಬೇಕಿದೆ.

ಪ್ರಧಾನಿ ಮೋದಿಯನ್ನು ಗುರಿಯಾಗಿಸಿ “ಶಿವಲಿಂಗದ ಮೇಲಿನ ಚೇಳು’ ಎಂದು ಹೇಳಿಕೆ ನೀಡಿದ್ದ ಶಶಿ ತರೂರ್‌ ವಿರುದ್ಧ ಮಾನಹಾನಿ ಪ್ರಕರ­ಣವೊಂದು ದಾಖಲಾಗಿತ್ತು. ಈ ಪ್ರಕರಣವನ್ನು ರದ್ದು­ಗೊಳಿಸಲು ದಿಲ್ಲಿ ಹೈಕೋರ್ಟ್‌ ನಿರಾಕರಿಸಿ­ದ್ದನ್ನು ಪ್ರಶ್ನಿಸಿ ಶಶಿ ತರೂರ್‌ ಸುಪ್ರೀಂ ಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದ್ದಾರೆ. ಮನವಿಗೆ ಪ್ರತಿಕ್ರಿಯಿಸಿದ ಸಿಜೆಐ ಚಂದ್ರಚೂಡ್‌ ಅವರಿದ್ದ ಪೀಠ “ಇಮೇಲ್‌ ಮಾಡಿ. ನಾವು ಅರ್ಜಿ ಪರಿಶೀಲಿಸುತ್ತೇವೆ’ ಎಂದಿದೆ.