ಚಂದ್ರನಲ್ಲಿ ನೀರಿನ ಗುರುತು ಪತ್ತೆ ಹಚ್ಚಿದ ಚೀನದ ವಿಜ್ಞಾನಿಗಳು !

ಬೀಜಿಂಗ್‌: ಚೀನದ ವಿಜ್ಞಾನಿಗಳು ಚಂದ್ರನಲ್ಲಿ ನೀರಿರುವ ಗುರುತನ್ನು ಪತ್ತೆ ಹಚ್ಚಿದ್ದಾರೆ. ಚೀನದ “ಓಶನ್‌ ಆಫ್ ಸ್ಟಾಮ್ಸ್‌’ ಮಿಷನ್‌ನಲ್ಲಿ ಚಂದ್ರನಿಂದ ಭೂಮಿಗೆ ಲಾವಾ ತರಲಾಗಿದೆ. ಅದರಲ್ಲಿ ನೀರಿನ ಅಂಶ ಪತ್ತೆಯಾಗಿರುವುದಾಗಿ ತಿಳಿಸಲಾಗಿದೆ.

ಹೈಡ್ರಾಕ್ಸಿಲ್‌ ರೂಪದಲ್ಲಿ ನೀರಿನ ಅಂಶ ಪತ್ತೆಯಾಗಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ನೀರಿನಲ್ಲಿ ಎರಡು ಹೈಡ್ರೋಜನ್‌ ಪರಮಾಣುವಿನೊಂದಿಗೆ ಒಂದು ಆಮ್ಲಜನಕದ ಪರಮಾಣು ಇರುತ್ತದೆ.

ಅದೇ ರೀತಿಯಲ್ಲಿ ಹೈಡ್ರಾಕ್ಸಿಲ್‌ನಲ್ಲಿ ಒಂದು ಹೈಡ್ರೋಜನ್‌ ಪರಮಾಣುವಿನೊಂದಿಗೆ ಒಂದು ಆಮ್ಲಜನಕದ ಪರಮಾಣು ಇರುತ್ತದೆ.

ಈ ಹಿಂದೆ ಅಮೆರಿಕದ ನಾಸಾ ಕೂಡ ಚಂದ್ರನಿಂದ ತಂದ ಲಾವಾದಲ್ಲಿ ಹೈಡ್ರಾಕ್ಸಿಲ್‌ ಪತ್ತೆಯಾಗಿರುವುದಾಗಿ ವರದಿ ಮಾಡಿತ್ತು.