ಎಸ್‌ಬಿಐ ಲಾಭ 6 ಪಟ್ಟು ಹೆಚ್ಚಳ

ಹೊಸದಿಲ್ಲಿ: ಸೆಪ್ಟಂಬರ್‌ಗೆ ಅಂತ್ಯಗೊಂಡ ತ್ತೈಮಾಸಿಕ ಅವಧಿಯಲ್ಲಿ ಎಸ್‌ಬಿಐ ನಿವ್ವಳ ಲಾಭ 6 ಪಟ್ಟು ಹೆಚ್ಚಳವಾಗಿದ್ದು, 3,375.40 ಕೋಟಿ ರೂ. ಲಾಭವಾಗಿರುವುದಾಗಿ ಬ್ಯಾಂಕ್‌ ಘೋಷಿಸಿದೆ. ಬ್ಯಾಂಕಿನ ಜೀವವಿಮೆ ಕಂಪೆನಿಯ ಭಾಗಶಃ ಷೇರುಗಳನ್ನು ಮಾರಾಟ ಮಾಡಿದ ಪರಿಣಾಮ ಈ ಮಟ್ಟದ ಲಾಭ ಆಗಿದೆ ಎಂದು ಹೇಳಲಾಗಿದೆ. ಹಿಂದಿನ ವಿತ್ತೀಯ ವರ್ಷದ ಜುಲೈ-ಸೆಪೆrಂಬರ್‌ ಅವಧಿಯಲ್ಲಿ ಬ್ಯಾಂಕ್‌ 576.46 ಕೋಟಿ ರೂ. ನಿವ್ವಳ ಲಾಭ ಗಳಿಸಿತ್ತು. ಕಳೆದ ವರ್ಷದ ಈ ತ್ತೈಮಾಸಿಕದಲ್ಲಿ ಬ್ಯಾಂಕ್‌ ಕ್ರೋಢೀಕೃತ ಒಟ್ಟು ಆದಾಯವು 79,302.72 ಕೋಟಿ ರೂ. ಆಗಿತ್ತು. ಅದು ಈ ಬಾರಿ 89,347.91 ಕೋಟಿ ರೂ. ಆಗಿದೆ. ಸೆಪ್ಟೆಂಬರ್‌ ತಿಂಗಳಲ್ಲಿ ಬ್ಯಾಂಕ್‌ ತನ್ನ ಎಸ್‌ಬಿಐ ಲೈಫ್ ಇನ್ಶೂರೆನ್ಸ್‌ನ ಶೇ.4.5 ಷೇರುಗಳನ್ನು ಮಾರಾಟ ಮಾಡಿತ್ತು. ಇದರಿಂದಲೇ ಬ್ಯಾಂಕಿಗೆ 3,190.97 ಕೋಟಿ ರೂ. ಲಾಭ ಆಗಿದೆ.