ಭಾರತೀಯ ಸ್ಟೇಟ್‌ ಬ್ಯಾಂಕ್‌ ಸಾಲದ ಬಡ್ಡಿ ದರ ಇಳಿಕೆ

ಮುಂಬಯಿ: ಭಾರತೀಯ ಸ್ಟೇಟ್‌ ಬ್ಯಾಂಕ್‌ನ ಸಾಲಗಳ ಮೇಲಿನ ಬಡ್ಡಿ ದರ ಡಿ.10ರಿಂದ ಇಳಿಕೆಯಾಗಲಿದೆ. ಠೇವಣಿಗಳ ಮೇಲಿನ ಹೆಚ್ಚುವರಿ ವೆಚ್ಚ ಆಧಾರಿತದಲ್ಲಿ (ಎಂಸಿಎಲ್‌ಆರ್‌) ಶೇ.0.1ರಷ್ಟು ಬಡ್ಡಿ ದರ ಇಳಿಕೆಯಾಗಲಿದೆ. ಇದರಿಂದಾಗಿ ಬಡ್ಡಿ ದರ ಶೇ.7.90ರಿಂದ ಶುರುವಾಗಲಿವೆ.

2019-20ನೇ ವಿತ್ತೀಯ ವರ್ಷದಲ್ಲಿ ಎಸ್‌ಬಿಐ 8ನೇ ಬಾರಿಗೆ ಬಡ್ಡಿ ದರ ಇಳಿಕೆ ಮಾಡುವ ನಿರ್ಧಾರ ಕೈಗೊಂಡಿದೆ. ಇತ್ತೀಚೆಗಷ್ಟೇ ಆರ್‌ಬಿಐನ ತ್ತೈಮಾಸಿಕ ಸಾಲ ಪರಿಶೀಲನ ಸಭೆಯಲ್ಲಿ ಬಡ್ಡಿ ದರ ಯಥಾ ಸ್ಥಿತಿ ಇರಿಸಿಕೊಳ್ಳುವ ನಿರ್ಧಾರ ಕೈಗೊಂಡಿರುವಂತೆಯೇ ದೇಶದ ಅತ್ಯಂತ ದೊಡ್ಡ ಬ್ಯಾಂಕ್‌ನಿಂದ ದರ ಕಡಿಮೆ ಮಾಡುವ ನಿರ್ಧಾರ ಪ್ರಕಟವಾಗಿದೆ.