ಅ.31ರಿಂದ SBI ATM ವಿದ್‌ಡ್ರಾ ಮಿತಿ 20,000 ರೂ.ಗೆ ಕಡಿತ: ವರದಿ

ಮುಂಬಯಿ : ಹಬ್ಬದ ಋತು ಆರಂಭಕ್ಕೆ ಮುನ್ನವೇ, ಇದೇ ಅಕ್ಟೋಬರ್‌ 31ರಿಂದ ಜಾರಿಗೆ ಬರುವಂತೆ, ಭಾರತೀಯ ಸ್ಟೇಟ್‌ ಬ್ಯಾಂಕ್‌ (ಎಸ್‌ಬಿಐ) ತನ್ನ ಗ್ರಾಹಕರು ಎಟಿಎಂ ನಿಂದ ಹಣ ವಿದ್‌ ಡ್ರಾ ಮಾಡುವ ಈಗಿನ ಗರಿಷ್ಠ 40,000 ರೂ. ಮೊತ್ತದ ಮಿತಿಯನ್ನು  20,000 ರೂ. ಗೆ ಇಳಿಸಲಿದೆ ಎಂದು ವರದಿಗಳು ತಿಳಿಸಿವೆ. 

ಎಟಿಎಂ ಗಳಲ್ಲಿ  ಅಕ್ರಮವಾಗಿ ಹಣ ಲಪಟಾಯಿಸುವ ಪ್ರಕರಣಗಳ ಹೆಚ್ಚುತ್ತಿರುವ ಬಗ್ಗೆ ಗ್ರಾಹಕರಿಗೆ ಅಸಂಖ್ಯ ದೂರುಗಳು ಬರುತ್ತಿರುವ ಹಿನ್ನೆಲೆಯಲ್ಲಿ ಮತ್ತು ಜನರು ಕ್ಯಾಶ್‌ಲೆಸ್‌ ವ್ಯವಹಾರದಲ್ಲಿ ಗಮನಾರ್ಹವಾಗಿ ತೊಡಗಿಕೊಳ್ಳಬೇಕು ಎಂಬ ಕಾರಣಕ್ಕೆ ಎಟಿಎಂ ವಿದ್‌ಡ್ರಾವಲ್‌ ಗರಿಷ್ಠ ಮಿತಿಯನ್ನು ಅರ್ಧದಷ್ಟು ಇಳಿಸುವ ನಿರ್ಧಾರಕ್ಕೆ ಎಸ್‌ಬಿಐ ಬಂದಿರುವುದಾಗಿ ಮೂಲಗಳು ತಿಳಿಸಿವೆ. 

ಈ ವಿಷಯವನ್ನು ಬ್ಯಾಂಕಿನ ಗ್ರಾಹಕರಿಗೆ ಈಗಿಂದಲೇ ತಿಳಿಸುವಂತೆ ಎಸ್‌ಬಿಐ ಕಾರ್ಯಾಲಯಗಳಿಗೆ ಪ್ರಧಾನ ಕಚೇರಿಯಿಂದ ಸೂಚನೆ ಬಂದಿರುವುದಾಗಿ ವರದಿಗಳು ತಿಳಿಸಿವೆ. ಹಬ್ಬದ ಋತು ಆರಂಭಕ್ಕೆ ಮುನ್ನವೇ ಎಸ್‌ಬಿಐ ತನ್ನ ಎಟಿಎಂ ಗಸಿಷ್ಠ ವಿದ್‌ಡ್ರಾವಲ್‌ ಮಿತಿಯನ್ನು ಅರ್ಧದಷ್ಟು ಇಳಿಸಿರುವುದರಿಂದ ಗ್ರಾಹಕರಿಗೆ ತೊಂದರೆಯಾಗುವ ಸಾಧ್ಯತೆ ಇಂದು ತಿಳಿಯಲಾಗಿದೆ.