ಸಿಂಧು, ಸೌರಭ್‌ಗೆ “ವರ್ಷದ ಕ್ರೀಡಾಪಟು’ಪ್ರಶಸ್ತಿ

ಹೊಸದಿಲ್ಲಿ: ಬ್ಯಾಡ್ಮಿಂಟನ್‌ ಆಟಗಾರ್ತಿ ಪಿ.ವಿ. ಸಿಂಧು ಹಾಗೂ ಶೂಟರ್‌ ಸೌರಭ್‌ ಚೌಧರಿ “ಇಎಸ್‌ಪಿಎನ್‌ ವರ್ಷದ ಕ್ರೀಡಾಪಟು ಪ್ರಶಸ್ತಿ’ಗೆ ಆಯ್ಕೆಯಾಗಿದ್ದಾರೆ.

ಸಿಂಧು ವಿಶ್ವ ಚಾಂಪಿಯನ್‌ ಪ್ರಶಸ್ತಿ ಗೆದ್ದಿರುವ ಭಾರತದ ಮೊದಲ ಆಟಗಾರ್ತಿ. ಶೂಟಿಂಗ್‌ನಲ್ಲಿ ಅಮೋಘ ಸಾಧನೆ ಮಾಡಿರುವುದಕ್ಕೆ ವರ್ಷದ ಪುರುಷ ವಿಭಾಗದ ಪ್ರಶಸ್ತಿಯನ್ನು ಸೌರಭ್‌ ಚೌಧರಿಗೆ ನೀಡಲಾಗಿದೆ. ಆ್ಯತ್ಲೀಟ್‌ ದ್ಯುತಿ ಚಂದ್‌ “ಭಾರತದ ಧೈರ್ಯಶಾಲಿ’ ಪ್ರಶಸ್ತಿ, ಚೆಸ್‌ ತಾರೆ ಕೊನೆರು ಹಂಪಿ “ಕಮ್‌ಬ್ಯಾಕ್‌ ಆಫ್ ಇಯರ್‌’, ಕುಸ್ತಿ ಪಟು ದೀಪಕ್‌ “ವರ್ಷದ ಉದಯೋನ್ಮುಖ ತಾರೆ’, ಗೋಪಿಚಂದ್‌ “ವರ್ಷದ ಕೋಚ್‌’, ಶೂಟರ್‌ ಮನು ಭಾಕರ್‌-ಸೌರಭ್‌ ಚೌಧರಿ ಜೋಡಿ “ವರ್ಷದ ತಂಡ’ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.