ಸೌದಿ ನಿರುದ್ಯೋಗ ಏರಿಕೆ

ದುಬೈ: ಸೌದಿ ಅರೇಬಿಯಾ ನಾಗರಿಕರಲ್ಲಿನ ನಿರುದ್ಯೋಗ ಪ್ರಮಾಣ ದಾಖಲೆ ಏರಿಕೆ ಕಂಡಿದ್ದು, ಪ್ರಸಕ್ತ ವರ್ಷದ ಮೊದಲ ತ್ತೈಮಾಸಿಕದಲ್ಲಿ ಶೇ.12.9ಕ್ಕೇರಿಕೆಯಾಗಿದೆ. ಹೊಸ ತೆರಿಗೆ ನೀತಿ ಹಾಗೂ ದೇಶೀಯವಾಗಿ ಇಂಧನ ದರ ಹೆಚ್ಚಳದಿಂದಾಗಿ ಖಾಸಗಿ ಸಂಸ್ಥೆಗಳಿಗೆ ಹೊರೆಯಾಗಿದ್ದೇ ಇದಕ್ಕೆ ಕಾರಣ.

ಸೌದಿ ಸರ್ಕಾರವು ತೈಲ ರಫ್ತಿನ ಮೇಲೆ ಅವಲಂಬನೆಯನ್ನು ಕಡಿಮೆ ಮಾಡಿಕೊಳ್ಳುವ ನಿಟ್ಟಿನಲ್ಲಿ ಹೊಸ ಹೊಸ ಸುಧಾರಣಾ ಕ್ರಮ ಕೈಗೊಳ್ಳುತ್ತಿರುವ ನಡುವೆಯೇ ಈ ಸಂಕಷ್ಟ ಎದುರಾಗಿದೆ. 2018ರ ಆರಂಭದಲ್ಲೇ ಸರ್ಕಾರ ಜಾರಿಗೆ ತಂದ ಶೇ.5 ಮೌಲ್ಯವರ್ಧಿತ ತೆರಿಗೆಯು ಖಾಸಗಿ ವಲಯವನ್ನು ಕುಸಿಯುವಂತೆ ಮಾಡಿದೆ. ಪರಿಣಾಮ 1999ರ ಬಳಿಕ ಇದೇ ಮೊದಲ ಬಾರಿಗೆ ನಿರುದ್ಯೋಗ ಪ್ರಮಾಣ ಗಣನೀಯ ಏರಿಕೆ ಕಂಡಿದೆ.