Advertisement
ಶ್ರೀಲಂಕಾ 6 ವಿಕೆಟಿಗೆ 242 ರನ್‌ ಗಳಿಸಿ ಮೊದಲ ದಿನದಾಟ ಮುಗಿಸಿತ್ತು. 94 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದ ಧನಂಜಯ ಡಿ ಸಿಲ್ವ 122ರ ತನಕ ಸಾಗಿದರು. ಇದು ಅವರ 10ನೇ ಟೆಸ್ಟ್‌ ಶತಕ. 214 ಎಸೆತ ನಿಭಾಯಿಸಿದ ಧನಂಜಯ 12 ಬೌಂಡರಿ ಹಾಗೂ 3 ಸಿಕ್ಸರ್‌ ಬಾರಿಸಿದರು. ಕೊನೆಯ ಆಟಗಾರ ವಿಶ್ವ ಫೆರ್ನಾಂಡೊ 21 ರನ್‌ ಮಾಡಿದರು. ಪಾಕಿಸ್ಥಾನದ ಬೌಲಿಂಗ್‌ ಸರದಿಯಲ್ಲಿ ಮಿಂಚಿದವರೆಂದರೆ ಶಾಹೀನ್‌ ಶಾ ಅಫ್ರಿದಿ, ನಸೀಮ್‌ ಶಾ ಮತ್ತು ಅಬ್ರಾರ್‌ ಅಹ್ಮದ್‌. ಮೂವರೂ 3 ವಿಕೆಟ್‌ ಕೆಡವಿದರು.
ಶ್ರೀಲಂಕಾ-312 (ಧನಂಜಯ ಡಿ ಸಿಲ್ವ 122, ಏಂಜೆಲೊ ಮ್ಯಾಥ್ಯೂಸ್‌ 64, ಸಮರವಿಕ್ರಮ 36, ಕರುಣಾರತ್ನೆ 29, ಅಬ್ರಾರ್‌ ಅಹ್ಮದ್‌ 68ಕ್ಕೆ 3, ಶಾಹೀನ್‌ ಅಫ್ರಿದಿ 86ಕ್ಕೆ 3, ನಸೀಮ್‌ ಶಾ 90ಕ್ಕೆ 3). ಪಾಕಿಸ್ಥಾನ-5 ವಿಕೆಟಿಗೆ 221 (ಸೌದ್‌ ಶಕೀಲ್‌ ಬ್ಯಾಟಿಂಗ್‌ 69, ಆಘಾ ಸಲ್ಮಾನ್ ಬ್ಯಾಟಿಂಗ್‌ 61, ಶಾನ್‌ ಮಸೂದ್‌ 39, ಪ್ರಭಾತ್‌ ಜಯಸೂರ್ಯ 83ಕ್ಕೆ 3).