ಚೀನ ಓಪನ್: ಸೆಮಿಫೈನಲ್ ಗೆ ಸಾತ್ವಿಕ್ ರೆಡ್ಡಿ- ಚಿರಾಗ್ ಶೆಟ್ಟಿ

ಪುಝು: ಚೀನ ಓಪನ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಪುರುಷರ ಡಬಲ್ಸ್ ವಿಭಾಗದಲ್ಲಿ ಭಾರತದ ಯುವ ಜೋಡಿ ಸಾತ್ವಿಕ್ ರಾಜ್ ರಾಂಕಿ ರೆಡ್ಡಿ- ಚಿರಾಗ್ ಶೆಟ್ಟಿ ಸೆಮಿ ಫೈನಲ್ ಗೆ ಲಗ್ಗೆ ಇಟ್ಟಿದ್ದಾರೆ.

ಇಂದು ನಡೆದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ರೆಡ್ಡಿ- ಶೆಟ್ಟಿ ಜೋಡಿ ಚೀನದ ಲೀ ಜುನ್ ಹುಯಿ- ಲಿಯು ಯು ಚೆನ್ ವಿರುದ್ಧ 21-19, 21-15ರ ಅಂತರದಿಂದ ಜಯ ಸಾಧಿಸಿತು.

ಶನಿವಾರ ನಡೆಯಲಿರುವ ಸೆಮಿ ಫೈನಲ್ ಪಂದ್ಯಾಟದಲ್ಲಿ ವಿಶ್ವದ ಅಗ್ರ ಶ್ರೇಯಾಂಕದ ಇಂಡೋನೇಶ್ಯಾದ ಜೋಡಿಯನ್ನು ಎದುರಿಸಲಿದೆ.