ಶಾತವಾಹನರ ಕಾಲದ ವಿಭಿನ್ನ ಬಾವಿ ಪತ್ತೆ

ಔರಂಗಾಬಾದ್‌: ಮಹಾರಾಷ್ಟ್ರದ ಒಸ್ಮಾನಾಬಾದ್‌ ಜಿಲ್ಲೆಯ ಟೆರ್‌ನಲ್ಲಿ ಶಾತವಾಹನರ ಕಾಲದ ವಿಭಿನ್ನ ತೆರೆದ ಬಾವಿ ಪತ್ತೆಯಾಗಿದೆ. ಟೆರ್‌ನಲ್ಲಿದ್ದ ವಸ್ತು ಸಂಗ್ರಹಾಲಯ ನವೀಕರಣಕ್ಕಾಗಿ ಇತ್ತೀಚೆಗೆ ಉತ್ಖನನ ಕಾರ್ಯ ನಡೆಸುವಾಗ ಈ ಬಾವಿ ಕಂಡು ಬಂದಿದೆ. ದೊಡ್ಡ ಗಾತ್ರದ ವಿಶಿಷ್ಟವಾದ ಇಟ್ಟಿಗೆಗಳಿಂದ ಈ ಬಾವಿಯನ್ನು ನಿರ್ಮಿಸಲಾಗಿದೆ.

ಇಟ್ಟಿಗೆಗಳು 45 ಸೆ.ಮೀ.ಉದ್ದ, 24 ಸೆ.ಮೀ. ಅಗಲ, 9 ಸೆ.ಮೀ. ದಪ್ಪ ಇವೆ. ಈ ಇಟ್ಟಿ ಗೆಗಳನ್ನು ಲಂಬ ಹಾಗೂ ಅಡ್ಡವಾಗಿ ಜೋಡಿ ಸಲಾಗಿದೆ. ಈ ಹಿಂದೆ ಉತ್ಖನನ ನಡೆದಾಗ ದೊರೆತಿದ್ದ ಇಟ್ಟಿಗೆಗಳಿಗಿಂತ ಇವುಗಳು ಸಾಕಷ್ಟು ವಿಭಿನ್ನ ಹಾಗೂ ವ್ಯತ್ಯಾಸದಿಂದ ಕೂಡಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದು ವರೆಗೂ ನಡೆದ ಉತ್ಖನನ ಕಾರ್ಯದಲ್ಲಿ ಮೂರು ಮೀಟರ್‌ ಆಳವನ್ನು ತಲುಪಲಾಗಿದ್ದು, ಬಾವಿಯಲ್ಲಿ ಪ್ರಾಣಿಗಳ ಮೂಳೆಗಳು ಪತ್ತೆಯಾಗಿವೆ.