ಹಣ ದುರುಪಯೋಗ ಕೇಸ್: ಸಂಜಯ್ ರಾವತ್ ಗೆ ಮತ್ತೆ 14 ದಿನ ನ್ಯಾಯಾಂಗ ಬಂಧನ ವಿಸ್ತರಣೆ

ಮುಂಬೈ: ಮುಂಬೈನ ಚಾವ್ಲ್ ಪುನರ್ ಅಭಿವೃದ್ಧಿಯಲ್ಲಿನ ಅಕ್ರಮಗಳಿಗೆ ಸಂಬಂಧಿಸಿದಂತೆ ಅಕ್ರಮ ಹಣಕಾಸು ವರ್ಗಾವಣೆ ಪ್ರಕರಣದಲ್ಲಿ ಶಿವಸೇನಾ ಸಂಸದ ಸಂಜಯ್ ರಾವತ್ ನ್ಯಾಯಾಂಗ ಬಂಧನವನ್ನು ಸೆಪ್ಟಂಬರ್ 5ರವರೆಗೆ ವಿಸ್ತರಿಸಲಾಗಿದೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ:67ನೇ ಹುಟ್ಟುಹಬ್ಬಕ್ಕೆ ʼಗಾಡ್‌ ಫಾದರ್‌ʼ ಆದ ಮೆಗಾಸ್ಟಾರ್ ಚಿರಂಜೀವಿ: ಟೀಸರ್‌ ಔಟ್

ಮುಂಬೈನ ಗೋರೆಗಾಂವ್ ನ ಪತ್ರಾ ಚಾವ್ಲ್ ಪುನರ್ ಅಭಿವೃದ್ಧಿಯಲ್ಲಿನ ಹಣಕಾಸು ಅವ್ಯವಹಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯ ಆಗಸ್ಟ್ 1ರಂದು ಸಂಜಯ್ ರಾವತ್ ಅವರನ್ನು ಆಗಸ್ಟ್ 1ರಂದು ಬಂಧಿಸಿತ್ತು.

ಆರಂಭದಲ್ಲಿ ತನಿಖೆಯ ನಂತರ ಸಂಜಯ್ ರಾವತ್ ಅವರನ್ನು 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿತ್ತು. ಸೋಮವಾರ (ಆಗಸ್ಟ್ 22) ಪ್ರಕರಣದ ವಿಚಾರಣೆ ನಡೆಸಿದ ವಿಶೇಷ ನ್ಯಾಯಾಧೀಶರಾದ ಎಂ.ಜಿ.ದೇಶಪಾಂಡೆ, ರಾವತ್ ಗೆ ಸೆಪ್ಟೆಂಬರ್ 5ರವರೆಗೆ ನ್ಯಾಯಾಂಗ ಬಂಧನ ವಿಸ್ತಿರಿಸಿರುವುದಾಗಿ ವರದಿ ತಿಳಿಸಿದೆ.