ಕಾಮೆಂಟೇಟರ್ ಸಂಜಯ್ ಮಾಂಜ್ರೇಕರ್ ಗೆ ಬಿಸಿಸಿಐ ಗೇಟ್ ಪಾಸ್?

ಮುಂಬೈ: ಸದಾ ಒಂದಿಲ್ಲೊಂದು ಕಾರಣದಿಂದ ಪ್ರಚಾರದಲ್ಲಿರುವ ಮಾಜಿ ಕ್ರಿಕೆಟಿಗ, ಹಾಲಿ ವೀಕ್ಷಕ ವಿವರಣೆಗಾರ ಸಂಜಯ್ ಮಾಂಜ್ರೇಕರ್ ಅವರನ್ನು ಬಿಸಿಸಿಐ ತನ್ನ ಪ್ಯಾನಲ್ ನಿಂದ ಕೈಬಿಟ್ಟಿದೆ.

ವಿಶ್ವದ ಪ್ರಮುಖ ಕಾಮೆಂಟೇಟರ್ ಗಳಲ್ಲಿ ಒಬ್ಬನಾಗಿದ್ದ ಸಂಜಯ್ ಮಾಂಜ್ರೇಕರ್ ಗೆ ಬಿಸಿಸಿಯ ಬಿಗ್ ಶಾಕ್ ನೀಡಿದೆ. ಕಳೆದ ಏಕದಿನ ವಿಶ್ವಕಪ್ ಸೇರಿದಂತೆ ಮೂರು ವಿಶ್ವಕಪ್ ನಲ್ಲಿ ಕಾಮೆಂಟರಿ ನಡೆಸಿದ್ದ ಸಂಜಯ್ ಮಾಂಜ್ರೇಕರ್ ರನ್ನು ಬಿಸಿಸಿಐ ಕೈಬಿಟ್ಟಿದೆ ಎಂದು ವರದಿಯಾಗಿದೆ.

ಧರ್ಮಶಾಳಾದಲ್ಲಿ ನಡೆಯಬೇಕಿದ್ದ ಏಕದಿನ ಪಂದ್ಯದ ವೇಳೆ ಸಂಜಯ್ ಗೈರಾಗಿದ್ದರು. ಮುಂದಿನ ತಿಂಗಳು ಐಪಿಎಲ್ ನಡೆದರೆ ಅದಕ್ಕೂ ಸಂಜಯ್ ಮಾಂಜ್ರೇಕರ್ ಕಾಮೆಂಟರಿ ಮಾಡುವುದು ಅನುಮಾನ ಎನ್ನಲಾಗಿದೆ. ಮಾಂಜ್ರೇಕರ್ ಅವರ ಕಾರ್ಯವೈಖರಿ ಇತ್ತೀಚಿನ ದಿನಗಳಲ್ಲಿ ಬಿಸಿಸಿಐ ಗೆ ತೃಪ್ತಿ ತಂದಿಲ್ಲ ಎಂದು ವರದಿಯಾಗಿದೆ.