ಕೃಷ್ಣ ಹುಟ್ಟಿದ 6 ತಿಂಗಳಲ್ಲಿ ಕಂಸ ಸತ್ತ !: ಈಶ್ವರಪ್ಪ ಟಾಂಗ್‌

ಬಾಗಲಕೋಟೆ: ಕೃಷ್ಣ ಹೊಟ್ಟೆಯಲ್ಲಿದ್ದಾಗ ಕಂಸನಿಗೆ ನಡುಕ ಉಂಟಾಗಿತ್ತು..ಕೃಷ್ಣ ಹುಟ್ಟಿದ 6 ತಿಂಗಳಲ್ಲಿ ಕಂಸ ಸತ್ತ ..ಇದು ಗುರುವಾರ ಹುನಗುಂದ ತಾಲೂಕಿನ ಕೂಡಲ ಸಂಗಮದಲ್ಲಿ  ಸಂಗೊಳ್ಳಿ ರಾಯಣ್ಣ ಬಲಿದಾನ ದಿವಸ ಅಂಗವಾಗಿ ಬ್ರಿಗೇಡ್ ರೂವಾರಿ ಕೆ.ಎಸ್. ಈಶ್ವರಪ್ಪ ಅವರ ಭಾಷಣದ ಸಾಲುಗಳು.

ಸಮಾವೇಶವನ್ನುದ್ದೇಶಿಸಿ ಮಾತನಾಡಿದ ಈಶ್ವರಪ್ಪ ಅವರು  ಬ್ರಿಗೆಡ್‌ ಹುಟ್ಟುತ್ತಿದ್ದಂತೆ ಕೆಲವರಿಗೆ ಏನೇನೋ ಆಗುತ್ತಿದೆ ಎಂದು ಬಿ.ಎಸ್‌.ಯಡಿಯೂರಪ್ಪ ಅವರಿಗೆ ಪರೋಕ್ಷ ಟಾಂಗ್‌ ನೀಡಿದರು. 

 ಕೃಷ್ಣ ಬಾಯಿ ತೆರೆದಾಗ ವಿಶ್ವರೂಪ ದರ್ಶನವಾಗುತ್ತದೆ ಅದೇ ರೀತಿ ನೀವು ಇಲ್ಲಿ ಸೇರಿದ್ದೀರಿ.ನಿಮಗೆಲ್ಲಾ ಧನ್ಯವಾದಗಳು ಎಂದರು. 

ಹಿಂದುಳಿದ ವರ್ಗದವರಿಗೆ ಮತ್ತು ದಲಿತರಿಗೆ ನ್ಯಾಯ ದೊರಕಿಸಿಕೊಡಲು ಬ್ರಿಗೇಡ್‌ನ‌ ಅಗತ್ಯವಿದೆ. ಇಲ್ಲಿ ಸೇರಿರುವ ಜನರು ಬರೀ ಸ್ಯಾಂಪಲ್‌,ಮುಂದಿನ ರಾಜ್ಯ ಮಟ್ಟದ ಸಮಾವೇಶಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಆಹ್ವಾನಿಸುವುದಾಗಿ ಹೇಳಿದರು.