Reservation: ಮಹಿಳಾ ಮೀಸಲಿಗೆ `ಸಂಘ’ ಶ್ಲಾಘನೆ

ಮುಂಬೈ: ಮಹಿಳಾ ಮೀಸಲು ವಿಧೇಯಕ್ಕೆ ಸಂಸತ್‌ನ ಅನುಮೋದನೆ ದೊರಕಿದ್ದಕ್ಕೆ ಆರ್‌ಎಸ್‌ಎಸ್‌ ಸಂತಸ ವ್ಯಕ್ತಪಡಿಸಿದೆ. ಈ ಬಗ್ಗೆ ಸಂಘಟನೆಯ ಮುಖ್ಯಸ್ಥ ಮೋಹನ್‌ ಭಾಗವತ್‌ ಹಾಗೂ ಸರಕಾರ್ಯವಾಹ ದತ್ತಾತ್ರೇಯ ಹೊಸಬಾಳೆ ಅವರು ಶ್ಲಾಘಿಸಿದ್ದಾರೆ. ಈ ವಿಧೇಯಕ ರಾಷ್ಟ್ರದ ಮಹಿಳೆಯರ ಸಬಲೀಕರಣದ ಜತೆಗೆ ಸಮಾನತೆಯನ್ನು ಖಾತರಿಪಡಿಸಿಕೊಳ್ಳಲಿದೆ ಎಂದು ಹೇಳಿದ್ದಾರೆ.

ಈ ಕುರಿತು ಭಾಗವತ್‌ ಹಾಗೂ ಹೊಸಬಾಳೆ ಟ್ವೀಟ್‌ ಮಾಡಿದ್ದು, “ನಾರಿ ಶಕ್ತಿ ವಂದನ್‌ ಅಧಿನಿಯಮ’ 2023 ಅಂಗೀಕರಿಸುವ ಮೂಲಕ ಭಾರತದ ಸಂಸತ್ತು ಹೊಸ ಇತಿಹಾಸವನ್ನು ಸೃಷ್ಟಿಸಿದೆ. ಈ ನಿರ್ಣಯವು ದೇಶದ ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಮತ್ತಷ್ಟು ಬಲಗೊಳಿಸಲಿದ್ದು, ಮಹಿಳೆಯರ ಹೆಚ್ಚಿನ ಭಾಗಿತ್ವವು ಭಾರತದ ಅಭಿವೃದ್ಧಿಗೆ ಹೊಸ ಆಯಾಮ ನೀಡುವ ಭರವಸೆ ಇದೆ. ಆರ್‌ಎಸ್‌ಎಸ್‌ ಈ ಹೆಜ್ಜೆಯನ್ನು ಸ್ವಾಗತಿಸಿ, ಬೆಂಬಲಿಸುತ್ತದೆ’ ಎಂದಿದ್ದಾರೆ.