ಸಂಗೀತಾ ಮೊಬೈಲ್ಸ್‌ ನಲ್ಲಿ  ರೆಡ್ಮಿ ನೋಟ್‌4 ಮಾರಾಟ

ಬೆಂಗಳೂರು: ಇದುವರೆಗೆ ಆನ್‌ಲೈನ್‌ನಲ್ಲಿ ಮಾತ್ರ ಲಭ್ಯವಿದ್ದ ರೆಡ್ಮಿ ನೋಟ್‌4 ಸ್ಮಾರ್ಟ್‌ಫೋನ್‌ಗಳು ಈಗ ಆಫ್‌ಲೈನ್‌ನಲ್ಲಿ ಅಂದರೆ ಎಲ್ಲ ಸಂಗೀತಾ ಮೊಬೈಲ್ಸ್‌ ಶೋರೂಮ್‌ಗಳಲ್ಲಿ ದೊರೆಯಲಿವೆ. ಪ್ರಥಮ ಬಾರಿಗೆ ಸಂಗೀತಾ ಮೊಬೈಲ್ಸ್‌ ಪ್ರೈ.ಲಿಮಿಟೆಡ್‌ ಹಾಗೂ ಕ್ಸಿಯೋಮಿ ಸಂಸ್ಥೆಯ ಸಹಭಾಗಿತ್ವದಲ್ಲಿ ರೆಡ್ಮಿ ನೋಟ್‌4 ಮಾ.18 ರಿಂದ ಆಫ್‌ಲೈನ್‌ ಮಾರಾಟ ಆರಂಭವಾಗಿದೆ.

ಅತಿ ಹೆಚ್ಚು ಗ್ರಾಹಕರನ್ನು ಆಕರ್ಷಿಸಿ ಮಾರಾಟವಾಗುತ್ತಿರುವ ಸ್ಮಾರ್ಟ್‌ಫೋನ್‌ ಬ್ರಾoಡ್‌ಗಳಲ್ಲಿ ರೆಡ್ಮಿ ನೋಟ್‌4 ಕೂಡ ಒಂದಾಗಿದ್ದು, ಈಗ ಗ್ರಾಹಕರು ರೆಡ್ಮಿ ನೋಟ್‌ ಅನ್ನು ಎಲ್ಲ ಸಂಗೀತಾ ಮಳಿಗೆಗಳಲ್ಲಿ ಕಾಣಬಹುದು. ಸಂಗೀತಾದಲ್ಲಿ ಸ್ಮಾರ್ಟ್‌ಫೋನ್‌ ಖರೀದಿಸಿದ ಗ್ರಾಹಕರ ಫೋನ್‌ನ ಬೆಲೆ ದಿಢೀರ್‌ ಕುಸಿತವಾದರೆ, ವ್ಯತ್ಯಾಸ ಹಣವನ್ನು ಗ್ರಾಹಕರಿಗೆ ಕರೆ ಮಾಡಿ ಹಿಂತಿರುಗಿಸಲಾಗುವುದು.

ಅದೇ ರೀತಿ ಫೋನ್‌ ಕೈಜಾರಿ ಕೆಳಗೆ ಬಿದ್ದು ಒಡೆದುಹೋದರೆ, ಅದೇ ಬ್ರಾoಡಿನ ಹೊಸ ಫೋನನ್ನು ಅರ್ಧ ಬೆಲೆ ಕೊಟ್ಟು ಪಡೆಯಬಹುದು. ಈ ಪ್ರೈಸ್‌ ಪ್ರೊಟೆಕ್ಷನ್‌ ಮತ್ತು ಡ್ಯಾಮೇಜ್‌ ಪ್ರೊಟೆಕ್ಷನ್‌ ಸೀಮ್‌ಗಳು ಎಲ್ಲ ಸ್ಮಾರ್ಟ್‌ಫೋನ್‌ಗಳಿಗೂ ಅನ್ವಯಿಸುತ್ತವೆ ಎಂದು ಸಂಗೀತಾ ಮೊಬೈಲ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ಎಲ್‌. ಸುಭಾಷ್‌ ಚಂದ್ರ ತಿಳಿಸಿದ್ದಾರೆ.

ಸ್ಮಾರ್ಟ್‌ ಫೋನ್‌ಗಳನ್ನು ಬಳಸುವವರ ಸಂಖ್ಯೆಯಲ್ಲಿ ಅಮೆರಿಕವನ್ನು ಹಿಂದಿಕ್ಕಿರುವ ಭಾರತ ವಿಶ್ವದ ಎರಡನೇ ರಾಷ್ಟ್ರವಾಗಿ ಹೊರಹೊಮ್ಮಿದೆ. ಇಲ್ಲಿನ ಗ್ರಾಹಕರು ಸದಾ ಹೊಸತನ ಹಾಗೂ ಕ್ರಿಯಾಶೀಲತೆಯುಳ್ಳ ವಸ್ತುಗಳನ್ನು ಬಯಸುತ್ತಾರೆ ಹಾಗೂ ಅವರ ಅಗತ್ಯಗಳನ್ನು ಪೂರೈಸುವ ಎಲೆಕ್ಟ್ರಾನಿಕ್ಸ್‌  ಉತ್ಪನ್ನಗಳನ್ನು ತಮ್ಮದಾಗಿಸಿಕೊಳ್ಳಲು ಇಚ್ಛಿಸುತ್ತಾರೆ.