“ಸಂತೋಷ ಸಂಗೀತ’ ಹೀಗೊಂದು ಸಿನಿಮಾ ಇಂದು ತೆರೆಕಾಣುತ್ತಿದೆ. ಸಿದ್ದು ತಮ್ಮ ಮೊದಲ ಚಿತ್ರವನ್ನು ನಿರ್ದೇಶನದ ಜೊತೆಗೆ ನಿರ್ಮಾಣ ಕೂಡಾ ಮಾಡಿದ್ದಾರೆ. ಈ ಚಿತ್ರ ಹಾಸ್ಯ, ದುರಂತ, ಪ್ರೀತಿ, ಸಾಹಸ ಹೊಂದಿರುವ ಸಂಪೂರ್ಣ ಮನರಂಜನಾ ಕಥೆಯಿಂದ ಕಟ್ಟಿಕೊಂಡಿದೆ. ಪ್ರೀತಿ ಮತ್ತು ಜೀವನದಲ್ಲಿ ಅನೇಕ ತಿರುವು-ಮರಳು ಕಾಣುವ ಕಥೆ, ಪ್ರೇಕ್ಷಕರಿಗೆ ಹೊಸ ಅನುಭವ ನೀಡಲಿದೆ.
ಚಿತ್ರದ ಟ್ರೇಲರ್‌ ಈಗಾಗಲೇ ಜನರಿಂದ ಮೆಚ್ಚುಗೆ ಪಡೆದಿದೆ. “ಸಂತೋಷ ಸಂಗೀತ’ ಸಿನಿಮಾ ಎಲ್ಲ ಭಾವನೆಗಳನ್ನು ಒಳಗೊಂಡಿರುವ ವಿಶಿಷ್ಟ ಕಥಾಹಂದರ, ಇದು ಕಾಲೇಜು ಜೀವನ, ವೃತ್ತಿಪರ ಬದುಕು, ನೀತಿ, ಪ್ರೀತಿ, ಜೀವನದ ಸವಾಲು, ಹಾಸ್ಯ, ಆಕ್ಷನ್‌ ಎಲ್ಲದರ ಸಮ್ಮಿಲನ ಎನ್ನುವುದು ಸಿದ್ದು ಮಾತು.
ಈ ಜರ್ನಿಯಲ್ಲಿಯೇ ಪ್ರೀತಿಯೊಂದಿಗೆ ಪ್ರೊಫೆಶನಲ್‌ ಜೀವನದ ಸಂಧಿಗೆ ಬರುವ ಪಾತ್ರಗಳು, ಸಂಬಂಧಗಳ ಒತ್ತಡಗಳನ್ನು ಎದುರಿಸುವುದು ಮತ್ತು ನೈತಿಕ ಆಸ್ತಿತ್ವ ಉಳಿಸಿಕೊಳ್ಳಲು ಮಾಡುತ್ತಿರುವ ಹೋರಾಟಗಳೇ ಚಿತ್ರದ ಪ್ರಮುಖ ಅಂಶಗಳು. ಹಾಸ್ಯ ದೃಶ್ಯಗಳು ಪ್ರೇಕ್ಷಕರನ್ನು ನಗೆಗಡಲಲ್ಲಿ ತೇಲಿಸಿದರೆ, ಆಕ್ಷನ್‌ ಸನ್ನಿವೇಶಗಳು ಕಥೆಯನ್ನು ಸ್ಫೂರ್ತಿದಾಯಕವಾಗಿರಿಸುತ್ತದೆ. “ಸಂತೋಷ ಸಂಗೀತ’ ಎನ್ನುವುದು ಜೀವನದ ಎಲ್ಲ ಆಯಾಮಗಳನ್ನು ಸಂಭಾವಿಸುವ ಒಂದು ಮನಮುಟ್ಟುವ ಚಿತ್ರ. ಇದು ಪ್ರೇಕ್ಷಕರನ್ನು ತೀವ್ರವಾಗಿ ತಲುಪುತ್ತದೆ ಎನ್ನುವುದು ಚಿತ್ರತಂಡದ ಮಾತು.
ಅರ್ಣವ್‌ ವಿನ್ಯಾಸ, ರಾಣಿ ವರದ, ದೊಡ್ಡಣ್ಣ, ಅವಿನಾಶ್‌, ವಾಣಿ, ನಕ್ಷತ್ರ, ಲಯ ಕೋಕಿಲ, ಮಿಮಿಕ್ರಿ ಗೋಪಿ, ಲೋಕೇಶ್‌, ಅನೀಶ್‌, ಸೂರ್ಯ ಮತ್ತು ಮಡೆನೂರು ಮನು ಈ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.
