Sandalwood; ‘ಫಾರೆಸ್ಟ್‌’ನಲ್ಲಿ ಚಿಕ್ಕಣ್ಣ & ಟೀಂ

ಚಿಕ್ಕಣ್ಣ ಅಂಡ್‌ ಟೀಂ ಫಾರೆಸ್ಟ್‌ ಸೇರಿದೆ. ಮುಂದೆ ಕಾಡಿನೊಳಗೆ ಅದೇನೇನು ಸಾಹಸ ಮಾಡುತ್ತೋ ಕಾದು ನೋಡಬೇಕು! ಯಾವ ವಿಚಾರದ ಬಗ್ಗೆ ಹೇಳುತ್ತಾರೆ ಎಂಬ ಗೊಂದಲ ಬೇಡ. ನಾವು ಹೇಳುತ್ತಿರುವುದು ಹೊಸ ಸಿನಿಮಾ ಬಗ್ಗೆ.

ಕನ್ನಡದಲ್ಲಿ ಮಲ್ಟಿಸ್ಟಾರ್‌ ಸಿನಿಮಾ ವೊಂದು ಆರಂಭವಾಗುತ್ತಿದೆ. ಚಿಕ್ಕಣ್ಣ, ಅನೀಶ್‌ ತೇಜೇಶ್ವರ್‌, ಗುರುನಂದನ್‌ ಹಾಗೂ ರಂಗಾಯಣ ರಘು ಜೊತೆಯಾಗಿ ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದಾರೆ. ಆ ಚಿತ್ರಕ್ಕೆ “ಫಾರೆಸ್ಟ್‌’ ಎಂದು ಟೈಟಲ್‌ ಇಡಲಾಗಿದೆ. ಚಂದ್ರ ಮೋಹನ್‌ ಈ ಚಿತ್ರದ ನಿರ್ದೇಶಕರು.

ಟೈಟಲ್‌ ಹೇಳುವಂತೆ ಫಾರೆಸ್ಟ್‌ ಅಡ್ವೆಂಚರ್‌ ಕಾಮಿಡಿ ಸಿನಿಮಾ. ಚಿತ್ರ ಶೇ 80ರಷ್ಟು ಭಾಗ ಕಾಡಿನಲ್ಲಿಯೇ ಸಾಗುತ್ತದೆ. ಫ‌ನ್‌ ಜೊತೆಗೆ ಥ್ರಿಲ್ಲಿಂಗ್‌ ರೈಡ್‌ ಅನುಭವ ನೀಡಲಿದೆ ಎಂಬ ವಿಶ್ವಾಸ ತಂಡದ್ದು. ಚಿತ್ರಕ್ಕೆ ಎನ್‌ಎಂಕೆ ಸಿನಿಮಾಸ್‌ ನಡಿ ಕಾಂತರಾಜು ಬಂಡವಾಳ ಹೂಡುತ್ತಿದ್ದಾರೆ.

ಅಂದಹಾಗೆ ಕಾಂತರಾಜು ಅವರಿಗಿದು ಚೊಚ್ಚಲ ಚಿತ್ರ. ಫಾರೆಸ್ಟ್‌ ಸಿನಿಮಾಗೆ ವಿ. ರವಿಶಂಕರ್‌ ಛಾಯಾಗ್ರಹಣ, ಅರ್ಜುನ್‌ ಕಿಟ್ಟು ಸಂಕಲನ, ಧರ್ಮವೀರ್‌-ವೀರ್‌ ಸಮರ್ಥ್ ಸಂಗೀತ ನಿರ್ದೇಶನವಿದೆ.