ಸಂಜೋತಾ ರೈಲು ತಡೆ ಹಿಡಿದ ಭಾರತ

ಹೊಸದಿಲ್ಲಿ: ಭಾರತ ಮತ್ತು ಪಾಕ್‌ಗೆ ಸಂಪರ್ಕ ಕಲ್ಪಿಸುತ್ತಿದ್ದ ಸಂಜೋತಾ ರೈಲು ಸೇವೆಯನ್ನು ಭಾರತ ನಿಲ್ಲಿಸಿದೆ. ಈ ಸಂಬಂಧ ಕೇಂದ್ರ ಸರಕಾರ ರವಿವಾರ ತನ್ನ ನಿರ್ಧಾರ ಪ್ರಕಟಿಸಿದೆ.

ಜಮ್ಮು ಮತ್ತು ಕಾಶ್ಮೀರಕ್ಕೆ ನೀಡಲಾಗಿದ್ದ ವಿಶೇಷ ಸ್ಥಾನಮಾನವನ್ನು ಭಾರತ ರದ್ದುಗೊಳಿಸಿದ್ದಕ್ಕೆ ಪಾಕ್ ಕಿಡಿಕಾರಿತ್ತು. ಮಾತ್ರವಲ್ಲದೆ ಉಭಯ ದೇಶಗಳ ಮಧ್ಯೆ ಇದ್ದ ವ್ಯಾಪಾರ ವಹಿವಾಟು ಸೇರಿದಂತೆ, ರಾಜತಾಂತ್ರಿಕ ಸಂಬಂಧವನ್ನೇ ಕಡಿತಗೊಳಿಸಿತ್ತು. ನಂತರ ಉಭಯ ದೇಶಗಳ ನಡುವಣ ರೈಲು ಸಂಜೋತಾ ಎಕ್ಸ್ ಪ್ರೆಸ್ ಸೇವೆಯನ್ನು ಪಾಕ್ ಸರಕಾರ ನಿಲ್ಲಿಸಿತ್ತು.

ಪಾಕಿಸ್ಥಾನ ರೈಲು ಸೇವೆಗೆ ನಿರಾಕರಿಸಿದ ಹಿನ್ನೆಲೆಯಲ್ಲಿ ಭಾರತವೂ ಸುರಕ್ಷೆಯ ದೃಷ್ಠಿಯಲ್ಲಿ ಈ ಕ್ರಮ ಕೈಗೊಂಡಿದೆ ಎಂದು ಸರಕಾರ ಹೇಳಿದೆ.