ಏಶ್ಯನ್‌ ಜೂನಿಯರ ಬ್ಯಾಡ್ಮಿಂಟನ್‌ ಸಮಿಯಾ ಇಮದ್‌ ಫಾರೂಕಿಗೆ ಚಿನ್ನ

ಯಾನ್‌ಗಾನ್‌ (ಮ್ಯಾನ್ಮಾರ್‌): ಭಾರತೀಯ ಶಟ್ಲರ್‌ ಸಮಿಯಾ ಇಮದ್‌ ಫಾರೂಕಿ ಅವರು ಏಶ್ಯನ್‌ ಜೂನಿಯರ್‌ ಬ್ಯಾಡ್ಮಿಂಟನ್‌ ಚಾಂಪಿಯನ್‌ಶಿಪ್‌ನ ಅಂಡರ್‌ 15 ವನಿತಾ ಸಿಂಗಲ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದುಕೊಂಡಿದ್ದಾರೆ.

ಮೂರನೇ ಶ್ರೇಯಾಂಕದ ಸಮಿಯಾ ಫೈನಲ್‌ನಲ್ಲಿ ಸ್ಟೆಫಾನಿ ಅವರನ್ನು 15-21, 21-17, 21-19 ಗೇಮ್‌ಗಳಿಂದ ಸೋಲಿಸಿದರು. ಕಳೆದ ಎಪ್ರಿಲ್‌ನಲ್ಲಿ ಸಮಿಯಾ ಅಂಡರ್‌ 19 ಜೂನಿಯರ್‌ ಗ್ರ್ಯಾನ್‌ ಪ್ರಿ ಬ್ಯಾಡ್ಮಿಂಟನ್‌ ಕೂಟದಲ್ಲಿ ಫೈನಲ್‌ ತಲುಪಿದ್ದರು.

ಪಿ. ವಿ. ಸಿಂಧು ಈ ಹಿಂದೆ ದಕ್ಷಿಣ ಕೊರಿಯದ ಗಿಮ್‌ಚಿಯೋನ್‌ನಲ್ಲಿ 2012ರಲ್ಲಿ ನಡೆದ ಅಂಡರ್‌ 19 ಏಶ್ಯ ಜೂನಿಯರ್‌ ಬ್ಯಾಡ್ಮಿಂಟನ್‌ ಕೂಟದಲ್ಲಿ ಚಿನ್ನ ಜಯಿಸಿದ್ದರು.