ಅ-14 ಶಾಲಾ ಕ್ರಿಕೆಟ್‌: ಮತ್ತೂಮ್ಮೆ ಸಿಡಿದ ಸಮಿತ್‌ ದ್ರಾವಿಡ್‌

ಬೆಂಗಳೂರು: ಇಲ್ಲಿ ನಡೆಯುತ್ತಿರುವ 14 ವಯೋಮಿತಿಯೊಳಗಿನ ಶಾಲಾ ಕ್ರಿಕೆಟ್‌ ಕೂಟದ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಕ್ರಿಕೆಟ್‌ ದಿಗ್ಗಜ ರಾಹುಲ್‌ ದ್ರಾವಿಡ್‌ ಪುತ್ರ ಸಮಿತ್‌ ದ್ರಾವಿಡ್‌ ಆಲ್‌ರೌಂಡರ್‌ ಸಾಹಸ ನೆರವಿನಿಂದ ಮಲ್ಯ ಅದಿತಿ ಅಂತಾರಾಷ್ಟ್ರೀಯ ಶಾಲಾ ತಂಡ ಸೆಮಿಫೈನಲ್‌ ಪ್ರವೇಶಿಸಿದೆ.

ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ 148 ರನ್‌ಗಳಿಂದ ವಿದ್ಯಾಶಿಲ್ಪ್ ಅಕಾಡೆಮಿ ತಂಡವನ್ನು ಸೋಲಿಸಿತು. ಬ್ಯಾಟಿಂಗ್‌ನಲ್ಲಿ 121 ಎಸೆತದಿಂದ 166 ರನ್‌ ಬಾರಿಸಿ ಮಿಂಚಿದ್ದ ಸಮಿತ್‌ ದ್ರಾವಿಡ್‌ ಬೌಲಿಂಗ್‌ನಲ್ಲೂ 35ಕ್ಕೆ4 ವಿಕೆಟ್‌ ಕಿತ್ತು ಶ್ರೇಷ್ಠ ಆಲ್‌ರೌಂಡರ್‌ ಎನಿಸಿಕೊಂಡರು.

ಸರಣಿಯ ಈ ಹಿಂದಿನ ಪಂದ್ಯಗಳಲ್ಲೂ ಸಮಿತ್ ದ್ರಾವಿಡ್ ಅದ್ಭುತ ಪ್ರದರ್ಶನ ನೀಡಿದ್ದರು. ಕೇವಲ ಎರಡು ತಿಂಗಳ ಅಂತರದಲ್ಲಿ ಸಮಿತ್ ದ್ರಾವಿಡ್ ಎರಡು ದ್ವಿಶತಕ ಬಾರಿಸಿದ್ದರು. ಸಮಿತ್ ಮಲ್ಯ ಅದಿತಿ ಅಂತಾರಾಷ್ಟ್ರೀಯ ಶಾಲಾ ತಂಡದ ಗೆಲುವಿನಲ್ಲಿ ಪ್ರಮುಖ ಕಾರಣರಾಗಿದ್ದರು.