ಕಾರ್ತಿಕ್‌ ಮೂವೀಸ್‌’ಬ್ಯಾನರ್‌ನಲ್ಲಿ ರಾಜಲಬಂಡಿ ಕಾರ್ತಿಕ್‌ ನಿರ್ಮಿಸುತ್ತಿರುವ “ಸಾಮರ್ಥ್ಯ’ ಚಿತ್ರದ ಮುಹೂರ್ತ ಸಮಾರಂಭ ಇತ್ತೀಚೆಗೆ ಕಂಠೀರವ ಸ್ಟುಡಿಯೋದಲ್ಲಿ ನೆರವೇರಿತು.
ಹೆಚ್.ವಾಸು ನಿರ್ದೇಶನದ 24ನೇ ಚಿತ್ರ ಇದಾಗಿದ್ದು, “ಸಾಮರ್ಥ್ಯ’ಚಿತ್ರದ ಪ್ರಥಮ ದೃಶ್ಯಕ್ಕೆ ಸಾ.ರಾ ಗೋವಿಂದು ಕ್ಲಾಪ್‌ ತೋರಿಸಿದರೆ, ಚಲನಚಿತ್ರ ವಾಣಿಜ್ಯ ಮಂಡಳಿ ಅಧ್ಯಕ್ಷ ಡಿ.ಆರ್‌.ಜೈರಾಜ್‌ ಕ್ಯಾಮೆರಾ ಚಾಲನೆ ಮಾಡಿ ಚಿತ್ರೀಕರಣಕ್ಕೆ ಚಾಲನೆ ನೀಡಿದರು.
ಇದನ್ನೂ ಓದಿ:‘ಹ್ಯಾಪಿಲಿ ಮ್ಯಾರೀಡ್‌’ ಸ್ಟೋರಿ: ಪೃಥ್ವಿ ಅಂಬಾರ್‌-ಮಾನ್ವಿತಾ ಕಾಮತ್‌ ಜೋಡಿಯ ಹೊಸ ಚಿತ್ರ
“ಸಾಮರ್ಥ್ಯ’ ಚಿತ್ರದಲ್ಲಿ ಗಗನಾ, ಬಾಲಾಜಿ ಶರ್ಮ, ಗಗನ ಮಧು, ಶೋಭರಾಜ್‌, ಅವಿನಾಶ್‌, ರವೀಂದ್ರನಾಥ್‌, ಪೆಟ್ರೋಲ್‌ ಪ್ರಸನ್ನ, ಕಾಮಿಡಿ ಕಿಲಾಡಿಗಳು ಸಂತು, ಸ್ವಾತಿ, ಶಶಿಕುಮಾರ್‌ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.
ಚಿತ್ರಕ್ಕೆ ಶಶಿ ಸಂಭಾಷಣೆ, ಎ.ವಿ ಕೃಷ್ಣಕುಮಾರ್‌ (ಕೆ.ಕೆ) ಛಾಯಾಗ್ರಹಣ, ವೆಂಕಟೇಶ್‌ ಯುಡಿವಿ ಸಂಕಲನವಿದೆ. ಚಿತ್ರಕ್ಕೆ ಅರುಣ್‌ ಆಂಡ್ರ್ಯು ಸಂಗೀತವಿದ್ದು, ಚಿತ್ರದ ಹಾಡುಗಳಿಗೆ ಕೆ. ಕಲ್ಯಾಣ್‌, ವಿ. ನಾಗೇಂದ್ರ ಪ್ರಸಾದ್‌, ವಿಶ್ವಾ.ಜಿ ಸಾಹಿತ್ಯವಿದೆ. ಬೆಂಗಳೂರು, ಚಿಕ್ಕಮಗಳೂರು, ಸಕಲೇಶಪುರ ಮುಂತಾದ ಕಡೆಗಳಲ್ಲಿ “ಸಾಮರ್ಥ್ಯ’ ಚಿತ್ರೀಕರಣಕ್ಕೆ ಚಿತ್ರ ತಂಡ ಪ್ಲಾನ್‌ ಹಾಕಿಕೊಂಡಿದೆ.
