ದೇಶದಲ್ಲಿ ಹೆಚ್ಚಿದೆ ವಾಹನಗಳ ಮಾರಾಟ

ನವದೆಹಲಿ: ದೇಶದ ವಿವಿಧ ಭಾಗಗಳಲ್ಲಿ ಮದುವೆ ಮತ್ತು ಇತರ ಉತ್ಸವಗಳು ಶುರುವಾಗುತ್ತಿರುವಂತೆಯೇ ವಾಹನಗಳ ಮಾರಾಟ ಹೆಚ್ಚಾಗಿದೆ. ಜಗತ್ತಿನಲ್ಲಿ ನಾಲ್ಕನೇ ಅತಿದೊಡ್ಡ ವಾಹನಗಳ ಉತ್ಪಾದನೆಯ ಮಾರುಕಟ್ಟೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ನಮ್ಮ ದೇಶದಲ್ಲಿ ಇದು ವಾಹನಗಳ ಗರಿಷ್ಠ ಮಾರಾಟವಾಗಿದೆ.

ಬಿಎಸ್‌-4ರಿಂದ ಬಿಎಸ್‌-6 ಪರಿಸರ ಮಾಲಿನ್ಯ ನಿಯಂತ್ರಣ ಕ್ರಮ ಅನುಸರಿಸುವ ನಿಯಮಗಳು ಅನುಷ್ಠಾನಗೊಳ್ಳುತ್ತಿದ್ದ ಕಾರಣ 2020 ಮಾರ್ಚ್‌ನಲ್ಲಿ ವಾಹನಗಳ ಮಾರಾಟದಲ್ಲಿ ಕೊಂಚ ಇಳಿಮುಖವಾಗಿತ್ತು. ಆ ಅವಧಿಯ ಸಂಖ್ಯೆಗೆ ಹೋಲಿಕೆ ಮಾಡಿದರೆ, ಇದು ಸಾರ್ವಕಾಲಿಕ ದಾಖಲೆಯಾಗಿದೆ ಎಂದು ಫೆಡರೇಷನ್‌ ಆಫ್ ಅಟೋಮೊಬೈಲ್‌ ಡೀಲರ್ಸ್‌ ಅಸೋಸಿಯೇಷನ್‌ (ಎಫ್ಎಡಿಎ) ಹೇಳಿದೆ.

ದೇಶದ ಗ್ರಾಮೀಣ ಮತ್ತು ನಗರ ಪ್ರದೇಶದ ಬಳಕೆದಾರರಲ್ಲಿ ಇತ್ತೀಚಿನ ದಿನಗಳಲ್ಲಿ ಧನಾತ್ಮಕ ಚಿಂತನೆ ಮನೆ ಮಾಡಿದೆ. ಹೀಗಾಗಿ, ವಾಹನಗಳನ್ನು ಖರೀದಿ ಮಾಡುವತ್ತ ಅವರು ಚಿಂತನೆ ನಡೆಸಿದ್ದಾರೆ ಎಂಬ ವಿಶ್ಲೇಷಣೆಗಳು ನಡೆದಿವೆ.