ಮುಂಬಯಿ: ವಿಶ್ವದ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರಾಗಿರುವ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ ಮುಕೇಶ್ ಅಂಬಾನಿ ಅವರ ಬಗ್ಗೆ ಯಾರಿಗೆ ಗೊತ್ತಿಲ್ಲ ಹೇಳಿ. ಹೈಫೈ ಲೈಫ್ ಲೀಡ್ ಮಾಡುವ ಮುಕೇಶ್ ಅಂಬಾನಿ ಅವರ ಉದ್ಯಮದ ಬಗ್ಗೆ ನಮಗೆ ಗೊತ್ತಿರಬಹುದು. ಆದರೆ ಅವರ ಅಕ್ಕಪಕ್ಕ ಅಂದರೆ ಅವರ ಕಾರು ಚಾಲಕನಿಗೆ ತಿಂಗಳಿಗೆ ಎಷ್ಟು ಸಂಬಳ ಇರಬಹುದು ಎನ್ನುವುದು ಸುಮ್ಮನೆ ಎಂದಾದರೂ ಯೋಚಿಸಿದ್ದೀರಾ?
ಶ್ರೀಮಂತ ಉದ್ಯಮಿಯ ಕಾರು ಚಾಲಕನಿಗೆ ತಿಂಗಳಿಗೆ ಎಷ್ಟು ಸಂಬಳವಿರಬಹುದು. ಸಾವಿರ ರೂ.ಗಳಲ್ಲಿ ಇರಬಹುದೇ? ಹಾಗೆ ಊಹಿಸಿದ್ದರೆ ನಿಮ್ಮ ಊಹೆ ತಪ್ಪು. ಮುಕೇಶ್ ಅಂಬಾನಿ ಅವರ ಕಾರು ಚಾಲಕನಿಗೆ ಈ ಹಿಂದೆ ಎಷ್ಟು ಸ್ಯಾಲರಿಯಿತ್ತು ಎನ್ನುವುದರ ಕುರಿತ ವಿಡಿಯೋವೊಂದು ಸೋಶಿಯಲ್ ಮೀಡಯಾದಲ್ಲಿ ವೈರಲ್ ಆಗಿದೆ.
2017 ರಲ್ಲಿ ಅಂಬಾನಿ ಅವರ ಕಾರು ಚಾಲಕನಿಗೆ ತಿಂಗಳಿಗೆ ಬರೋಬ್ಬರಿ 2 ಲಕ್ಷ ರೂ. ಸಂಬಳವಿತ್ತು. ಅಂದರೆ ವರ್ಷಕ್ಕೆ ಬರೋಬ್ಬರಿ 24 ಲಕ್ಷ ರೂ.! ಒಬ್ಬ ಎಂಎನ್ ಸಿ ಕಂಪೆನಿಯಲ್ಲಿ ದುಡಿಯುವವನಿಗೂ ಇಷ್ಟು ಸಂಬಳ ಇರುವುದಿಲ್ಲ. ಇದು 2017 ರಲ್ಲಿದ್ದ ಸ್ಯಾಲರಿಯ ವಿಷಯ. 2023 ರಲ್ಲಿ ಅವರ ಚಾಲಕನ ತಿಂಗಳ ಸಂಬಳ ಎಷ್ಟು ಎಂಬುದು ಇದುವರೆಗೆ ಎಲ್ಲೂಈ ರಿವೀಲ್ ಆಗಿಲ್ಲ. ಅಂದಾಜು 3 ಲಕ್ಷ ರೂ.ವಿರಬಹುದು ಎಂದು ನೆಟ್ಟಿಗರು ಊಹಿಸಿದ್ದಾರೆ.
ಕಾರು ಚಾಲಕರ ನೇಮಕ ಹೇಗೆ?: ಕೋಟಿ ಕುಳ ಅಂಬಾನಿ ಅವರ ಕಾರು ಚಾಲಕನಾಗವುದು ಅಂದರೆ ಅದು ಅಷ್ಟು ಸುಲಭದ ಮಾತಲ್ಲ. ಬರೀ ಡ್ರೈವಿಂಗ್ ಬಂದರೆ ಸಲ್ಲದು. ಖಾಸಗಿ ಗುತ್ತಿಗೆ ಸಂಸ್ಥೆಯಿಂದ ಚಾಲಕನನ್ನು ಆಯ್ಕೆ ನೇಮಿಸಿಕೊಳ್ಳುತ್ತಾರೆ. ನೇಮಿಸಿಕೊಳ್ಳುವ ಮೊದಲೇ ಆತನಿಗೆ ವಿಶೇಷ ತರಬೇತಿ ನೀಡಲಾಗುತ್ತದೆ. ಎಷ್ಟೇ ಕಷ್ಟಕರ ರಸ್ತೆಗಳಲ್ಲಿ ವಾಹನ ಓಡಿಸಬೇಕು. ಬುಲೆಟ್ ಪ್ರೂಫ್ ವಾಹನ ಓಡಿಸುವ ಕೌಶಲ್ಯಬೇಕು. ಚಾಲಕನಿಗೆ ಇನ್ಸೂರೆನ್ಸ್ ಹಾಗೂ ಭತ್ಯೆ ಕೂಡ ಇರುತ್ತದೆ.
ಉದ್ಯಮಿ ಅಥವಾ ಸೆಲೆಬ್ರಿಟಿಗಳು ಕೆಲಸದವರಿಗೆ ತಿಂಗಳಿಗೆ ಇಷ್ಟು ದೊಡ್ಡ ಪ್ರಮಾಣದ ಸಂಬಳ ನೀಡುವುದು ಇದು ಮೊದಲಲ್ಲ. ನಟಿ ಕರೀನಾ ಕಪೂರ್ ತನ್ನ ಮಗು ತೈಮೂರ್ ನನ್ನು ನೋಡಿಕೊಳ್ಳಲು ದಾದಿ ಒಬ್ಬರನ್ನು ನೇಮಿಸಿಕೊಂಡಿದ್ದರು. ಅವರ ತಿಂಗಳ ಸಂಬಳ 1.50 ಲಕ್ಷ ರೂ. ಇನ್ನು ನಟ ಸಲ್ಮಾನ್ ಖಾನ್ ಅವರೊಂದಿಗೆ ಸುದೀರ್ಘ ಕಾಲದಿಂದ ಇರುವ ಅಂಗರಕ್ಷಕ ಶೇರಾ ಅವರು ವರ್ಷಕ್ಕೆ 2 ಕೋಟಿ ಆದಾಯವನ್ನು ಗಳಿಸುತ್ತಾರೆ.