ಸೈನಾ ವಿವಾಹ ಶುಭ ಹಾರೈಸುವ ವೇಳೆ ಸಚಿನ್‌ ಎಡವಟ್ಟು

ಮುಂಬೈ: ಭಾರತದ ಪ್ರಖ್ಯಾತ ಬ್ಯಾಡ್ಮಿಂಟನ್‌ ತಾರೆಯರಾದ ಸೈನಾ ನೆಹ್ವಾಲ್‌ ಹಾಗೂ ಪಾರುಪಳ್ಳಿ ಕಶ್ಯಪ್‌, ಶುಕ್ರವಾರ ಕಾನೂನುಬದ್ಧವಾಗಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದರು. 

ಸಾಂಪ್ರದಾಯಿಕವಾಗಿ ಇಬ್ಬರ ವಿವಾಹ ಭಾನುವಾರ ಹೈದರಾಬಾದ್‌ನಲ್ಲಿ ನಡೆಯಲಿದೆ. ಈ ವೇಳೆ ನೂತನ ದಂಪತಿಗೆ ಶುಭ ಹಾರೈಸಿದ ಕ್ರಿಕೆಟ್‌ ದೇವರು ಸಚಿನ್‌ ತೆಂಡುಲ್ಕರ್‌, ಎಡವಟ್ಟೊಂದನ್ನು ಮಾಡಿದ್ದಾರೆ. ಟ್ವೀಟರ್‌ನಲ್ಲಿ ಸೈನಾ-ಕಶ್ಯಪ್‌ ಚಿತ್ರದ ಬದಲು ಸೈನಾ-ಶ್ರೀಕಾಂತ್‌ ಚಿತ್ರ ಪ್ರಕಟಿಸಿ ಮುಜುಗರಕ್ಕೀಡಾಗಿದ್ದಾರೆ. ವಿಷಯ ಗೊತ್ತಾಗುತ್ತಿದ್ದಂತೆ ಸಚಿನ್‌ ಚಿತ್ರವನ್ನು ಅಳಿಸಿದ್ದಾರೆ. ತಮಾಷೆಯೆಂದರೆ ಇದೇ ಚಿತ್ರವನ್ನು ಅಷ್ಟರಲ್ಲಾಗಲೇ ಕೆ.ಶ್ರೀಕಾಂತ್‌ ತಮ್ಮ ಟ್ವೀಟ್‌ ಖಾತೆಯಲ್ಲಿ ಹಂಚಿಕೊಂಡಾಗಿತ್ತು. ಆದ್ದರಿಂದ ಈ ತಪ್ಪು ಇನ್ನಷ್ಟು ಜನರಿಗೆ ತಲುಪಿದೆ.