ಸಾಗರ: ಎಪಿಎಂಸಿ ಆವರಣದಲ್ಲಿ ಅಗ್ನಿ ಆಕಸ್ಮಿಕ

ಸಾಗರ: ಇಲ್ಲಿನ ಎಪಿಎಂಸಿ ಆವರಣದ ಆಪ್ಸ್‌ಕೋಸ್ ಎದುರಿನ ಭಾಗದಲ್ಲಿ ಶನಿವಾರ ಅಗ್ನಿ ಆಕಸ್ಮಿಕ ಸಂಭವಿಸಿದ್ದು, ಅಗ್ನಿ ಶಾಮಕದಳದ ಕಾರ‍್ಯಾಚರಣೆಯಿಂದಾಗಿ ತಕ್ಷಣ ಬೆಂಕಿಯನ್ನು ನಂದಿಸಲಾಗಿದೆ.

ಕಾಗೆಯೊಂದು ವಿದ್ಯುತ್ ತಂತಿಗಳ ನಡುವೆ ಸಿಲುಕಿದ ಕಾರಣ ಎಪಿಎಂಸಿ ಕೇಂದ್ರ ಕಚೇರಿ ಪಕ್ಕದ ವಿದ್ಯುತ್ ಟ್ರಾನ್ಸ್‌ಫಾರ‍್ಮರ್‌ನಲ್ಲಿ ಬೆಂಕಿ ಕಾಣಿಸಿ ಪಕ್ಕದ ಕರಡ ಹುಲ್ಲು ಪ್ರದೇಶಕ್ಕೆ ಬೆಂಕಿ ತಗುಲಿದೆ.

ಮಾವು, ಗೇರು ಮೊದಲಾದ ಬೆಳೆಗಳು, ಎಪಿಎಂಸಿ ಪಕ್ಕದ ಹಿತ್ತಲು ಬೆಂಕಿಯಿಂದ ಸುಟ್ಟು ನಾಶವಾಗಿದೆ. ಅಗ್ನಿಶಾಮಕ ದಳದ ಕಾರ‍್ಯಾಚರಣೆಯಲ್ಲಿ ಠಾಣಾಧಿಕಾರಿ ತಿಮ್ಮಪ್ಪ, ನಂದಕುಮಾರ, ಜಯಂತ, ಸತೀಶ, ಶಿವಾನಂದಸ್ವಾಮಿ, ಚಾಲಕ ಆನಂದ ಮೇದಾರ ಮುಂತಾದವರು ಭಾಗವಹಿಸಿದ್ದರು.