ದೇವೇಗೌಡ, ಖರ್ಗೆ ಸೋಲಬಾರದಿತ್ತು: ಪೇಜಾವರ ಶ್ರೀ ಬೇಸರ

ಮೈಸೂರು: ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡ, ಮಲ್ಲಿಕಾರ್ಜುನ ಖರ್ಗೆ ಅವರ ಸೋಲು ಬೇಸರ ತಂದಿದೆ ಎಂದು ಪೇಜಾವರ  ಮಠದ  ವಿಶ್ವೇಶ್ವರ ತೀರ್ಥ ಶ್ರೀ ಶುಕ್ರವಾರ ಹೇಳಿಕೆ ನೀಡಿದ್ದಾರೆ.

ಸುದ್ದಿಗಾರರ ಪ್ರಶ್ನೆಗಳಿಗೆ ಉತ್ತರಿಸಿದ ಶ್ರೀಗಳು , ದೇಶದಲ್ಲಿ ಸರ್ವಧರ್ಮ ಸಮಾನತೆ ಜಾರಿಯಾಗಬೇಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ಗಾಂಧಿಯನ್ನು ಕೊಂದ ಗೋಡ್ಸೆ ದೇಶ ಭಕ್ತ ಎಂದಿರುವ ಬಿಜೆಪಿ ಸಂಸದರ ವಿರುದ್ಧ ನನಗೆ ಬಹಳ ಅಸಮಾಧಾನ ಇದೆ ಎಂದು ಪುನರುಚ್ಛರಿಸಿದರು.

ರಾಜ್ಯ ಸಭೆಯಲ್ಲೂ ಬಹುಮತ ದೊರಕುತ್ತದೆ. ಈ ಬಾರಿ ರಾಮಮಂದಿರ ನಿರ್ಮಾಣಕ್ಕೆ ಪ್ರಧಾನಿ ಮೋದಿ ಸರ್ಕಾರ ಬದ್ಧತೆ ತೋರಬೇಕು.ಗೋಹತ್ಯೆ ನಿಷೇಧವಾಗಬೇಕು ಎಂದರು.

ರಾಮ ಮಂದಿರ ನಿರ್ಮಾಣವಾಗದೇ ಇದ್ದಲ್ಲಿ ಸಂತರೆಲ್ಲ ಒಟ್ಟಿಗೆ ಕುಳಿತು ನಿರ್ಧಾರ ಕೈಗೊಳ್ಳುತ್ತೇವೆ. ಅಂತಹ ಪರಿಸ್ಥಿತಿ ಬರುವುದಿಲ್ಲ ಎನ್ನುವ ವಿಶ್ವಾಸ ನಮಗಿದೆ ಎಂದರು.