ಪಣಜಿ: ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ರನ್ನು ಭೇಟಿಯಾದ ಸಚಿನ್ ತೆಂಡೂಲ್ಕರ್

ಪಣಜಿ:  ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು ಗೋವಾಕ್ಕೆ ಆಗಮಿಸಿದ್ದು, ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ರನ್ನು ಭೇಟಿಯಾಗಿ ಮಾತುಕತೆ ನಡೆಸಿದರು.

ಸಚಿನ್ ಬೆಳಗಾವಿ ಮಾರ್ಗವಾಗಿ ಕಾರಿನಲ್ಲಿ ಗೋವಾಕ್ಕೆ ಆಗಮಿಸಿದ್ದು, ಈ ಕುರಿತ ವೀಡಿಯೊ ಕೂಡ ಕೆಲ ದಿನಗಳ ಹಿಂದೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು.

ಸಚಿನ್ ತೆಂಡೂಲ್ಕರ್ ಪುತ್ರ ಅರ್ಜುನ್ ಗೋವಾ ರಣಜಿ ಕ್ರಿಕೆಟ್ ತಂಡದಲ್ಲಿ ಆಡುತ್ತಿದ್ದಾರೆ. ವಿಮಾನದಲ್ಲಿ ಪ್ರಯಾಣಿಸುವ ಸಚಿನ್ ತರಬೇತಿ ಶಿಬಿರಕ್ಕೆಂದು ಪುತ್ರನೊಂದಿಗೆ ಬುಧವಾರ ಬೆಳಗಾವಿ ಮೂಲಕ ಕಾರಿನಲ್ಲಿ ಗೋವಾಗೆ ಆಗಮಿಸಿದ್ದಾರೆ.  ಪ್ರಯಾನದ ನಡುವೆ ಒಂದು ಸ್ಥಳದಲ್ಲಿ ‘ಟೀ ಬ್ರೇಕ್’ ತೆಗೆದುಕೊಂಡ ಸಚಿನ್ ಕೆಲವು ಸೆಕೆಂಡುಗಳ ವೀಡಿಯೊ ಮಾಡಿದರು.

ಚಹಾದ ಜೊತೆ ಟೋಸ್ಟ್ ತಿಂದಾಗ ಸಿಗುವ ಖುಷಿಯೇ ಬೇರೆ. “ಏಕ್ ಚುಸ್ಕಾ ತೊ ಬನಾತಾ ಹೈ…” ಎಂದು ತಮ್ಮ ಬಾಲ್ಯದ ನೆನಪುಗಳನ್ನು ಮೆಲುಕು ಹಾಕಿದರು. ಸಚಿನ್ ಈ ವೀಡಿಯೊವನ್ನು ಹಂಚಿಕೊಂಡ ಬಳಿಕ ತಕ್ಷಣವೇ ಮಹಾರಾಷ್ಟ್ರ, ಕರ್ನಾಟಕ ಮತ್ತು ಗೋವಾದಲ್ಲಿ ವೈರಲ್ ಆಗಿದೆ. ಆ ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಸಚಿನ್ ಕುರಿತು ಚರ್ಚೆ ಕಾಣಿಸಿಕೊಂಡಿದೆ.