ಮುಂಬೈ ರಣಜಿ ತಂಡಕ್ಕೆ ಕ್ರಿಕೆಟ್‌ ದಿಗ್ಗಜ ಸಚಿನ್‌ ಪಾಠ

ನವದೆಹಲಿ: ಮುಂಬೈ ರಣಜಿ ತಂಡ ಮತ್ತು 19 ವರ್ಷದೊಳಗಿನ ತಂಡದ ಆಟಗಾರರಿಗೆ ಕ್ರಿಕೆಟ್‌ ದಂತಕಥೆ ಸಚಿನ್‌ ತೆಂಡುಲ್ಕರ್‌ ಪಾಠ ಮಾಡಿದ್ದಾರೆ. 

ಸಚಿನ್‌ ಪಾಠ ಮಾಡಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಮ್‌ನಲ್ಲಿ ಪ್ರಕಟಿಸಿದ್ದಾರೆ. ಈ ಚಿತ್ರಕ್ಕೆ ಭಾರೀ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಫೋಟೋದಲ್ಲಿ ಸಚಿನ್‌ ಮಾತನಾಡುತ್ತಾ ಇದ್ದಾರೆ. ರಣಜಿ ಮತ್ತು 19 ವರ್ಷದೊಳಗಿನ ತಂಡದ ಆಟಗಾರರು ಕುಳಿತುಕೊಂಡು ಸಚಿನ್‌ ಆಡುತ್ತಿರುವ ಮಾತುಗಳನ್ನು ಕೇಳಿಸಿಕೊಳ್ಳುತ್ತಿದ್ದಾರೆ. ಈ ಹಿಂದೆಯೂ ಕೂಡ ಸಚಿನ್‌ ಮುಂಬೈನ ರಣಜಿ ಆಟಗಾರರಿಗೆ ಸಲಹೆಗಳನ್ನು ನೀಡಿದ್ದಾರೆ. ಹಲವು ಆಟಗಾರರು ಸಚಿನ್‌ ಅವರನ್ನು ಖುದ್ದು ಭೇಟಿ ಮಾಡಿ ಸಲಹೆಗಳನ್ನು ಪಡೆಯುತ್ತಾರೆ. ಪ್ರಸಕ್ತ ರಣಜಿ ಟ್ರೋಫಿ ಅಕ್ಟೋಬರ್‌ 6 ರಿಂದ ಆರಂಭವಾಗಿದೆ.