ದೇಗುಲಕ್ಕೆ ಚಿನ್ನದ ಬಾಗಿಲು

ತಿರುವನಂತಪುರ: ಶಬರಿಮಲೆಯ ಅಯ್ಯಪ್ಪ ದೇಗುಲದ ಗರ್ಭ ಗುಡಿಗೆ ಚಿನ್ನ ಲೇಪಿತ ಬಾಗಿಲು ಮುಂದಿನ ವಾರ ಸಮರ್ಪಿಸಲಾಗುತ್ತದೆ. ಮಾ.11ರಂದು ತಿಂಗಳ ಪೂಜೆಗಾಗಿ ಬಾಗಿಲು ತೆರೆಯಲಾಗುತ್ತದೆ. ಈ ಸಂದರ್ಭದಲ್ಲಿ ಅದನ್ನು ಚಿನ್ನ ಲೇಪಿತ ಬಾಗಿಲು ಸಮರ್ಪಿಸಲಾಗುತ್ತದೆ. ಸದ್ಯ ಇರುವ  ಬಾಗಿಲಿಗೆ ಚಿಕ್ಕ ಬಿರುಕು ಬಂದಿರುವ ಕಾರಣ ಬದಲಾಯಿಸಲು ನಿರ್ಧರಿಸಲಾಗಿದೆ. ಭಕ್ತರ ಸಮೂಹವೊಂದು ಅದನ್ನು ದೇಣಿಗೆಯಾಗಿ ನೀಡುತ್ತಿದೆ. 21ರಂದು ಮತ್ತೆ ದೇಗುಲದ ಬಾಗಿಲು ಮುಚ್ಚಲಿದೆ.