18 ತಿಂಗಳೊಳಗೆ ಭಾರತಕ್ಕೆ ಬರಲಿದೆ ರಷ್ಯಾದ ಟ್ರ್ಯುಂಫ್ ಕ್ಷಿಪಣಿ

ಮಾಸ್ಕೋ: ಇನ್ನು 18-19 ತಿಂಗಳೊಳಗೆ ರಷ್ಯಾದಿಂದ ಭಾರತಕ್ಕೆ ಎಸ್-400 ವಾಯು ರಕ್ಷಣಾ ಕ್ಷಿಪಣಿಗಳು ಬರಲಿವೆ. ಈ ವಿಷಯವನ್ನು ಸ್ವತಃ ರಷ್ಯಾದ ಉಪ ಪ್ರಧಾನಿ ಯೂರಿ ಬೋರಿಸೋವ್ ಅವರು ಮಾಸ್ಕೋದಲ್ಲಿ ಇಂದು ತಿಳಿಸಿದ್ದಾರೆ.

ಎಸ್-400 ಕ್ಷಿಪಣಿ ವ್ಯವಸ್ಥೆಯು ರಷ್ಯಾ ನಿರ್ಮಿತ ನಾಲ್ಕನೇ ತಲೆಮಾರಿನ ಸುದೀರ್ಘ ಗುರಿಯ ನೆಲದಿಂದ ಆಗಸಕ್ಕೆ ಚಿಮ್ಮುವ ತಾಕತ್ತನ್ನು ಹೊಂದಿದೆ. ಈ ಕ್ಷಿಪಣಿಯು ಸ್ವತಂತ್ರವಾಗಿ ಗುರಿ ನಿಗದಿಮಾಡಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ.